Ақмолалық жоғары сынып оқушысы су айдындарын тазартатын робот жасады

Щучинск қ. «Білім-инновация» лицей-интернатының оқушысы Тимур Рябов су айдындарын тазарта алатын робот құрастырды.

Мұндай роботты жасау идеясы оған көлдің бойында серуендеп жүріп, суда жылдан жылға қоқыс көбейіп келе жатқанын байқаған кезде келді.

Судың ластануы адамзаттың жаһандық экологиялық проблемаларының біріне айналды. Көлдер, өзендер, теңіздердегі және басқа су айдындарындағы судың сапасы таза су қоймасына тән емес химиялық, биологиялық және физикалық заттардың түсуіне байланысты біртіндеп нашарлайды.

Тимур мұғалімнің қолдауын алғасын, олар мәселені бірге тереңірек зерттей бастады.

Мысалы, Щучье-Бурабай курорттық аймағының көлдерінің ластану себептері: суды қайтарымсыз алу, су жинау алаңының өндіріс және тұтыну қалдықтарымен, жағалау белдеулері мен жағажайлардың қоқыстармен ластануы. Бұл факторлар булану процестерімен бірге көлдердің температурасының өзгеруіне әкелді. Температураның жоғарылауы су өсімдіктерінің дамуына ықпал етті, нәтижесінде шөгінділер көбейіп, су сапасы нашарлады. Ағынды сулардың апаттық ағындары да судың ластануына ықпал етті.

"Шешімнің бірі ретінде біз су объектілерін жоғары тиімділікпен тазартуға қабілетті роботты ұсынамыз. Робот су бетіндегі сыртқы қоқыс пен лай жинауға негізделген», - деп бөлісті Тимур Рябов.

Роботты сынау Бурабай ауданының аумағында орналасқан «Забой» көлінде жүргізілді. Негізгі материал үшін пеноплэкс пен синтетикалық мата таңдалды.

 «Робот үшін біз Arduino Uno негізіндегі mCore чипін оның қолжетімді бағасы мен мүмкіндіктеріне байланысты таңдадық. Басқару коды моторлармен Arduino тілінде жазылған " -деп қосты жоба жетекшісі Щучинск қаласының «Білім-инновация» лицей-интернаты математика пәнінің мұғалімі Олжас Қадыров.

Қозғалтқыштар ретінде өнертапқыштар Arduino жиынтығынан тұрақты ток қозғалтқыштарын таңдады. Небәрі 6 вольтты тұтынатын 800gf қозғалтқышының максималды моменті өте жақсы жұмыс істейді.

Айта кетейік, Тимур өз жұмысымен республикалық конференцияның «Өмірлік ортаның экологиясы» секциясында ұсынып 2 орын алды.

 Сарапшылар жобаға жақсы баға берді, сонымен қатар роботты күн панельдерімен, жел генераторларымен және GPS жүйесімен жабдықтауды ұсынды, бұл өнертабыстың функционалдығын едәуір кеңейтетіні анық.

• 13.09.2023
• 167