Марат Ахметжанов Көкшетау қаласындағы стратегиялық нысандардың қызметімен танысты

Ақмола облысының әкімі Марат Ахметжанов жұмыс сапары аясында облыс орталығының су құбырларын тазарту құрылыстарын қайта құру және кеңейту жобасының барысымен және жылыту маусымына дайындықпен танысты.

Қазір су құбырын тазарту құрылыстарында 40-қа жуық адам жұмыс істейді. Бүгінде мердігер ұйым натрий гипохлоритін дайындау үшін жабдықты дайындау, блокты-модульді электролиз қондырғысына ауыстыру жұмыстарын жүргізуде. Құрылыс-монтаж жұмыстары
50 пайызға жүргізілді. БАӘ өндірісінің тазарту құрылыстарында барлық стандарттарға сәйкес келетін классикалық тазалау қолданылады. Жобаны аяқтау келесі жылға жоспарланған.

Марат Ахметжанов бұл жоба Мемлекет басшысының бақылауында және Көкшетау қаласының тұрғындары үшін аса маңызды екенін атап өтті.

"Таза ауыз сумен қамтамасыз ету - біздің басты міндеттеріміздің бірі. Қала өзінің 200 жылдығына орай сапалы ауыз сумен қамтамасыз етілуі тиіс. Осы мәселе бойынша тұрғындардан көптеген шағымдар келіп түсуде. Біз өте сапалы және мерзімінде бәрін аяқтауымыз керек", - деп атап өтті М.Ахметжанов.

Сапар "Көкшетау Жылу" ШЖҚ МКК-мен жалғасты. Мұнда облыс әкімі кәсіпорынның алдағы жылыту маусымына дайындық барысымен танысты.

Естеріңізге сала кетейік, қаланы жылумен жабдықтауды екі жылу көзі – аудандық қазандықтар жүзеге асырады. Қазіргі уақытта Үкіметтнің резервінен бөлінген қаражат есебінен түтін құбырларына, қазандық агрегаттарына, газ құбырлары мен ауа жылытқыштарына жөндеу жұмыстары жүргізілді. Жұмыстың орындалу пайызы 96 пайызды құрайды. Жылу көзімен бірге жылу желілерін жөндеу және құбырлардың оқшаулауын қалпына келтіру жұмыстары жүргізілуде.

Өңір басшысы көмір мен мазуттың уақтылы жеткізілуін тексеруді және жылыту маусымының басталуына толық дайындықты қамтамасыз етуді тапсырды.

Сапар барысында толып жатқан қоқыс жәшіктеріне де назар аударды. Облыс басшысы қоқыс шығаруды жүзеге асыратын кәсіпорын басшысына ескерту жасап, қала әкіміне ерекше бақылауға алу және полициямен бірлесіп тексеруді ұйымдастыру міндетін қойды.

• 13.09.2023
• 195