«Amanat» партиясының «Қарызсыз қоғам» жобасын іске асыру бойынша селекторлық кеңес

Бүгін Премьер-Министрдің орынбасары - Қаржы министрі Ерұлан Жамаубаев орталық және жергілікті атқарушы органдардың, «Amanat» партиясының басшыларының қатысуымен «Amanat» партиясының «Қарызсыз қоғам» жобасын іске асыру бойынша селекторлық кеңес өткізді.

Ағымдағы жылдың мамыр айында «Amanat» партиясы 8 өңірде – Ақтөбе, Алматы, Атырау, Жамбыл, Батыс Қазақстан, Түркістан, Маңғыстау және Солтүстік Қазақстан облыстарында «Қарызсыз қоғам» жобасын іске қосты. Жобаның басты мақсаты – қаржылық сауаттылық деңгейін арттыру, әсіресе проблемалы қарыз алушылар-жеке тұлғалар арасында. жоба аясында 40 мыңнан астам адам оқытудан өтті.

Сондай-ақ, 4 айда қарыздар мен несиелер бойынша 4000 мыңнан астам заң консультациялары, соттан тыс банкроттыққа 39 толық сүйемелдеу, 1181 жағдай бойынша берешекті реттеу және басқа да қызметтер көрсетілді.

Жалпы, жобаның жоғары тиімділігін және халық тарапынан оң пікірін ескере отырып, Мемлекет басшысы жобаны республикалық маңызы бар барлық 20 облыс орталықтары мен қалаларда кеңінен таратуды тапсырды.

Мемлекет басшысының тапсырмасын орындау үшін Астана қаласында Орталық жобалау кеңсесі және барлық облыс орталықтары мен республикалық маңызы бар қалаларда өңірлік жобалау кеңселері ашылады.

Жобалық кеңселердің қызметі қарыз алушылардың борыштық жүктемесін төмендету үшін азаматтарға практикалық көмек көрсетуге, азаматтардың сапалы қаржылық және құқықтық консультациялар алуына жағдай жасауға, өңірлік орта және жоғары оқу орындарында қаржылық сауаттылық элементтерін енгізуге, сондай-ақ бекітілген алгоритмге сәйкес проблемалық берешекті реттеу жоспарын әзірлеуге және бақылауға бағытталған.

• 15.09.2023
• 223