1000 мектепке әдістемелік қолдау

Білім саласындағы сапаны қамтамасыз ету комитеті мектепішілік бақылау жүргізу бойынша 1000 мектепке әдістемелік қолдау жобасы аясында кезекті кездесу өткізді.

Кездесуге облыстық және аудандық әдістемелік орталықтардың әдіскерлері арасынан 200 тәлімгер қатысты.

Жоба 2022 және 2023 жылы білім алушылардың білім жетістіктерінің мониторингіне қатысқан 1000 мектепке әдістемелік көмек көрсету мақсатында іске асырылуда. Мектепішілік бақылауды ұйымдастыру бойынша егжей-тегжейлі нұсқаулық әзірленіп, әр мектепке жолданды. Менторлар кері байланысты жүзеге асыру үшін апта сайын мектептермен кездесулер өткізетін болады.

Алдағы оқу жылы ішінде Білім беру саласындағы сапаны қамтамасыз ету комитеті Ы.Алтынсарин атындағы ұлттық білім академиясымен және «Талдау» орталығымен бірлесіп 1000 мектепті сүйемелдеу бойынша кешенді жұмысты үйлестіреді.

Қарағанды, Шығыс Қазақстан облыстары мен Жетісу облысының тәлімгерлері атқарылған жұмыстар туралы алдын ала ақпаратпен бөлісті.

Кездесу қорытындысы бойынша 1000 мектепті сүйемелдеу бойынша менторлардың алдағы міндеттері мен жұмыс бағыттары белгіленді. Аталған жұмыс жалғасын тауып, тұрақты түрде жүргізіледі.

• 18.09.2023
• 189