Жолдарды салу және жөндеу бойынша көшпелі кеңесті өткіздім

Биыл Қарағандының өзінде ғана 75 учаскені құрайтын 86 шақырым автожол жөндеумен қамтылды. Бұл ретте жеке секторға көп көңіл бөлінуде.

Сондай-ақ Ғарышкерлер көшесінде жол төсемі қайта жаңартылып, нөсер кәрізі орнатылуда. Мердігерге қазан айының соңына дейін жол қозғалысын ашуды тапсырдым. Келесі жылы жолдың жоғарғы қабаты төселеді.

Сондай-ақ алдағы жылға жоспар құрып жатырмыз. Бұл жұмыстар шеңберінде Абай көшесі мен вокзал маңындағы алаңды ретке келтіру ойда бар.

Қала әкіміне жолдарды жөндеу бойынша барлық жұмыстарды жеке бақылауда ұстауды және жұмыстардың сапасы мен орындалу мерзіміне баса назар аударуды тапсырдым.

Жалпы алғанда, орташа жөндеу жұмыстары 175 шақырымды құрайтын облыстық жолдарда жүргізілуде. Бүгінде 11 жобаның жетеуі аяқталды. Қазан айының соңына дейін мердігерлер барлық жолдарды пайдалануға беруге уәде беріп отыр.

• 21.09.2023
• 258