"ИННОПРОМ. Қазақстан" халықаралық көрмеде Татарстан мен Ақмола облысы арасындағы ынтымақтастық талқыланды

Халықаралық көрме аясында Татарстан Республикасының басшысы Рустам Минниханов Ақмола облысының әкімі Марат Ахметжановпен кездесті.

Тараптар экономика, ауыл шаруашылығы, өнеркәсіп, білім және мәдениет салаларындағы өзара тиімді қарым-қатынастарды талқылады.

Айта кетейік, Ақмола облысы Татарстанмен тығыз байланыста жұмыс істейді. Бұған мысал ретінде өңір аумағында өндірістік қуаты жылына 1500 бірлік техника болатын "КАМАЗ-Инжиниринг" АҚ жүк және мамандандырылған техниканы құрастыру жөніндегі Қазақстан-Ресей бірлескен кәсіпорны болды.

Бұл тек облыстың ғана емес, елдің де жүк және мамандандырылған техникасына деген қажеттілігін жабатын облыстың ірі машина жасау кәсіпорындарының бірі.

Сондай-ақ, білім беру саласында бірлескен жобалар бар. Өткен жылы тәжірибе алмасу үшін Көкшетау қаласының "Білім-инновация" лицейінің педагогтары Татарстан Республикасына барды.

• 26.09.2023
• 136