Қымбатты маңғыстаулықтар!

Төрімізге еніп, шуағын шашқалы тұрған 2021 жыл құтты болсын!
Өтіп бара жатқан жыл күллі әлем жұртшылығы үшін оңай болмады.
Бірақ біз ел болып қиындықты еңсере білдік. Ауызбіршілігіміздің арқасында азаматтарымыз Тәуелсіздігіміздің тұғырлы, мемлекетіміздің ғұмырлы болуына аянбай ат салысты. Індеттің өршіп тұрған шағында медицина мамандары, полицейлер, әскерилеріміз алғы шептен табылып күні-түні тер төкті. Сонымен қатар, ерікті түрде елге қызмет еткен барша азаматтарға облыс халқының атынан алғысымды айтамын!

Пандемия індеті әкелген қауіп-қатер, қайғы-қасірет, өткен жылдың барлық ауыртпалығы ескі жылмен бірге кетсін!
Баршамызды алда келе жатқан Жаңа жыл қуаныш пен бақытқа бөлеп, бастаған ісіміз оң, ырыс-берекеміз мол болғай!
Еліміз өсіп-өркендеп, тәуелсіздігіміз нығая берсін!
Жаңа жылымыз жақсылыққа толы жыл болсын!
Құрметпен,
Маңғыстау облысының әкімі С.Трұмов

• 05.01.2021
• 302