Ақмола облысында инклюзивті білім беруді қолдаудың кезекті кабинеті іске қосылды

Бүгін Целиноград ауданы Родина ауылының жалпы білім беретін мектебінде инклюзивті білім беруді қолдаудың жаңа кабинетінің ашылуы өтті.

Инклюзивті білім беруді қолдау кабинеті ерекше білім беру қажеттіліктері бар 16 балаға арналған. Ол төрт аймақтан тұрады: жеке жұмыс аймағы, сенсорлық түсіру аймағы, мұғалімдер аймағы және жалпы оқу аймағы, жалпы ауданы 50 шаршы метр.

Кешенді психологиялық-педагогикалық қолдау көрсету үшін жалпы білім беру сыныптарының педагогтарынан, психологтан, логопед-дефектологтан, кабинет меңгерушісінен, мектеп директорының оқу-тәрбие жұмысы жөніндегі орынбасарынан мамандар тобы құрылды.

"Мектепте инклюзияны қолдау кабинетінің ашылуы ерекше білім беру қажеттіліктері бар балаларды әлеуметтік ортаға, құрдастар мен мектеп өміріне бейімдеуге және әлеуметтендіруге мүмкіндік береді. Инклюзияны қолдау кабинетінің бірегейлігі - әр баламен жұмыс оның жеке қабілеттері мен мүмкіндіктері деңгейінде құрылады", - деп атап өтті білім басқармасының мектепке дейінгі және орта білім беру бөлімінің бас маманы Марал Коспанова.

Айта кетейік, Қазақстан Республикасының "Kazdidac" оқу жабдықтарын өндірушілер мен жеткізушілер қауымдастығы жалпы сомасы 150,0 млн теңгеге өңірдің арнайы мектептерінің 30 оқу кабинетін жеткізіп, жарақтандырды. 

• 30.09.2023
• 154