Марат Ахметжанов Көкшетауда салынып жатқан нысандарға барды

Ақмола облысының әкімі Марат Ахметжановтың Көкшетау қаласы бойынша жұмыс сапары «Революция күрескерлері» мәдениет және демалыс саябағы құрылысының барысымен танысудан басталды.

Қала әкімі Бауыржан Ғайсаның айтуынша, саябақта қажетті инфрақұрылымы бар спорттық-тұрмыстық кешен ғимаратын салу, қоршауды монтаждау, абаттандыру, балалар алаңын орнату жұмыстары орындалған. Саябақтың ребредингі бойынша жобаны "Алаш арыстары" деп қайта атауға түзетулер енгізілді. 2023 жылдың қыркүйегінен бастап жоба сараптамаға жүктелді, жұмыс жобаның оң қорытындысын алғаннан кейін қайта басталады. Нысанды пайдалануға беру 2023 жылдың төртінші тоқсанына жоспарланған.

Марат Ахметжанов барлық қажетті жұмыстарды сапалы және мерзімінде аяқтауды, сондай-ақ жобаның аяқталу мерзімдерінің одан әрі бұзылуына жол бермеуді тапсырды.  

Ж. Мусин атындағы Көкшетау жоғары Қазақ педагогикалық колледжінің жатақханасы салынып бітуде. Колледжде 8 мамандық бойынша 1129 студент оқиды.

Облыс әкімі объектімен танысып, құрылыс, сәулет және қала құрылысы басқармасына орындалған жұмыстардың сапасын объективті бағалауды тапсырды.

 "Жоба жоспарланғандай жүзеге асырылуы тиіс. Студенттер үшін құрылыс сапалы болуы керек. Құрылыс басқармасына орындалған жұмыстардың сапасын тексеруді тапсырамын", - деді Марат Ахметжанов.

• 30.09.2023
• 148