Нұрлан Ноғаев инвестиция тарту мәселелері жөніндегі өңірлік үйлестіру кеңесінің отырысын өткізді

Өңір басшысы Нұрлан Ноғаевтың төрағалығымен инвестиция тарту жөніндегі өңірлік үйлестіру кеңесінің кезекті отырысы өтті, деп хабарлайды Маңғыстау облысы әкімінің баспасөз қызметі.

Отырыста Ақтау қаласында мектеп пен балабақша салу бойынша екі әлеуметтік маңызды инвестициялық жоба мақұлданды.

Осы жобаларды іске асыру Ақтау қаласындағы балабақшалар мен мектептерде орын тапшылығы мәселесін шешуге бағытталған. Сондай-ақ жалпы инвестициялар тартуды, жаңа жұмыс орындарын құруды және өңірдің салық базасын ұлғайтуды көздейді. 

Отырыс барысында қатысушылар осы жобаларды іске асыру мүмкіндіктерін қарастырды. Жобаларды одан әрі тиімді іске асыру бойынша ұсыныстар енгізді. 

Кеңес өңір экономикасының тұрақты және бір бағытта өсуі мен елдің бәсекеге қабілеттілік деңгейін арттыру бойынша ұсынымдар әзірлеу мақсатында құрылды.

• 03.10.2023
• 114