Ерекше қажеттіліктері бар 30-дан аса ақмолалықтар бизнесті дамытуға гранттар алды

Ақмола облысы жұмыспен қамтуды және әлеуметтік бағдарламаларды үйлестіру басқармасының басшысы Шолпан Рахматуллинаның айтуынша,  облыста халықтың әлеуметтік осал санаттарын қолдауға бағытталған кешенді жұмыстар жүргізілуде.

Мемлекеттік қолдаудың арқасында жаңа жұмыс орындары ашылады, ауыл шаруашылығы өнімі өндірісі салалары, сән индустриясы дамиды. Сондай-ақ ұлтттық құндылықтарға қызығушылық артуына байланысты кигіз үй құрылысы бойынша цехтар ашылады.

Әртүрлі бағыттағы қызмет көрсету салалары да тыс қалмайды. Облыста химиялық тазарту пункттері және дәнекерлеу шеберханалары ашылуда. Денсаулық сақтау сегменті де ерекше бақылауда, гранттардың көмегімен сирек мамандар қызмет көрсететін медициналық орталықтар ашылуда.

«Жаңа бизнес-идеяларды жүзеге асыру үшін ағымдағы жылы жалпы соммасы 234,6 млн теңге 170 грант бөлінді. 141 адам грант алды, соның ішінде АӘК алатын – 10 ақмолалық, мүгедектігі бар тұлғалар – 33 адам, көпбалалы отбасылар – 70, қандастар – 2, мүгедек бала тәрбиелеп отырғандар – 19, асыраушысынан айрылғандар – 7 адам 182,3 млн теңгеге немесе жылдық жоспардың 83%», - деді Ш. Рахматуллина.

Облыс өңірлерінде кәсіпкерліктің әртүрлі бағыттары ашылды, атап айтқанда, Шортанды ауданынан Максим Шаповалов гүлдер дүкенін ашты, осы өңірде Айбек Разбеков ағаш өнімдерін жасау цехын дамытты. Жақсы ауданында Аманжол Серік жылқы өсірумен айналысуда. Степногорск қаласында Чавага Хазиман "Қыз жасауы" тігін цехын іске қосты, Марина Лукоянова лазерлік эпиляция студиясын ашты, Қазыбек Әлімов кофейня ашуға, Максад Яхшимов – азық-түлік тағамдарын тасуға грант алды.

Көкшетау қаласының тұрғыны Самат Шамкенов дәнекерлеу цехын ашты, Дамир Асанбаев облыс орталығында ұлттық тағамдарды пісіру наубайханасын таныстырды.

Зеренді ауданында да жаңа бизнеса объектілері ашылды, мысалы, Серік Ахметов ағаш жару қызметін, Айшолпан Абдулла – маникюр қызметін көрсетеді.

"Мен Зеренді ауданының Қанай би ауылынанмын "Бастау-Бизнес" жобасының түлегімін, маникюр салонын аштым. Өз ісімді бастау үшін кәсіпкерлік негіздеріне онлайн оқудан өтттім. Сертификат алдым және гранттар бөлу жөніндегі аудандық комиссияға жобаны қорғауға өтінім бердім. Оны 2023 жылғы маусымда сәтті қорғап грант алдым, қажетті жарақтар мен жабдықтар сатып алдым. Бүгінгі таңда менде тұрақты клиенттер бар, маникюр қызметін көрсетемін. Арман орындалады! Мемлекетке қолдауы үшін рахмет", - деп бөлісті 2-топтағы мүгедек Айшолпан Абдулла 2023 жылғы қыркүйекте порталда жаңа бизнес-идеяларды жүзеге асыру үшін 37 грант алуға өтінім қабылдаудың 3-ағыны басталды.

• 10.10.2023
• 108