Үкіметте 2024-2026 жылдарға арналған республикалық бюджет жобасы қаралды

Бүгін ҚР Премьер-Министрінің орынбасары - Қаржы министрі Ерұлан Жамаубаевтың төрағалығымен орталық мемлекеттік орган және өңірлердегі атқарушы орган өкілдерінің қатысуымен кеңес өтті.

Қатысушылар жиында үш жылдық кезеңге арналған республикалық бюджет туралы заң жобасы бойынша депутаттардың ұсынған түзетулерін талқылады. Сондай-ақ кеңес барысында бюджеттік бағдарламалар әкімшілері мен жергілікті атқарушы органдарға Үкіметпен келісілген ұстанымдарды депутаттық корпуспен пысықтау тапсырылды. Естеріңізге сала кетейік, қазір Парламент Мәжілісінде «2024-2026 жылдарға арналған республикалық бюджет туралы» заң жобасы талқыланып жатыр.

Талқылау қорытындысы бойынша салыстырмалы кесте құрылып, күн сайын депутаттардан ұсыныстар түсуіне қарай жаңартылып отырады.

• 11.10.2023
• 186