ҚР Ұлттық экономика министрлігі, Visa және «ASMAR» Қазақстанның кәсіпкер әйелдерінің ұлттық қауымдастығы» ынтымақтастық туралы Меморандумға қол қойды

Ақтау қаласы. Әйелдер кәсіпкерлігінің халықаралық конгресі. 

Меморандумның негізгі бағыттары: 

Ел өңірлеріндегі әйелдер басқаратын шағын және орта бизнестің мүмкіндігін кеңейту, сондай-ақ өз ісін бастау және дамыту үшін білім, қолжетімділікті және дағдыларды қамтамасыз ету 

Әйелдер кәсіпкерлігін, оның ішінде білім беру бағдарламаларын іске асыру және гранттар бөлу арқылы дамыту  

Жаңа іскер серіктестер табу

Цифрлық және қаржылық сауаттылықты арттыру және т. б. 

«Кәсіпкерлік саласындағы әйелдердің рөлін күшейту экономикалық өсуге ықпал етеді. Бүгінгі таңда ел экономикасындағы шағын және орта бизнестің үлесі 36,5%. Осы салада жұмыспен қамтылғандар саны 4 млн. адамнан асады. Оның ішінде әйелдер кәсіпкерлігінде 1 млн-нан астам адам жұмыспен қамтылған. Биылғы 1 тоқсанның қорытындысы бойынша ШОБ субъектілерінің өнім шығару көлемі шамамен 14 трлн. теңгені құрады. Бұл 2022 жылғы сәйкес кезеңмен салыстырғанда 30%-ға жоғары»,- деді Ұлттық экономика вице-министрі Бауыржан Құдайбергенов. 

Меморандум сонымен қатар She's Next, Еmpowered by Visa жаһандық бастамасы шеңберінде ақшалай гранттар бөлуді көздейді. Үшінші лекті бастау а.ж. қазанға жоспарланған. 

«30 жылдан астам уақыттан бері Visa ҚР Үкіметінің еліміздегі инновацияларды ілгерілету мен шағын және орта бизнесті дамытудағы сенімді әріптесі болып табылады. Бұл ретте әйелдер кәсіпкерлігін қолдау - компанияның стратегиялық мақсатының бірі. Біз Қазақстанның барлық өңірінде әйелдерге жаңа мүмкіндіктер туғызу үшін Ұлттық экономика министрлігімен және кәсіпкер әйелдерінің ұлттық қауымдастығымен ынтымақтастықты кеңейтуге ниеттіміз», - деді Visa вице-президенті, Орталық Азия елдері мен Әзірбайжандағы өңірлік менеджері Кристина Дорош.

«Қазақстандағы әйелдер кәсіпкерлік қызметпен белсенді айналысуда. Алайда, көпшілігі өз ісін қалыптастыруда қажетті білім мен қолдаудың болмауына байланысты қиындықтарға тап болады. Сондықтан біз нақты бизнес құралдарын ұсынудың қаншалықты маңызды екенін түсінеміз. Біздің Visa-мен бастамаларымыз кәсіпкер әйелдердің өз әлеуетін толықтай іске асыруы үшін мықты іргетас қалайды деп үміттенеміз», - деді ҚР Ұлттық экономика министрінің кеңесшісі Ләззат Рамазанова. 

• 12.10.2023
• 204