ҚР ҰЭМ Қоғамдық кеңесінің кезекті отырысында жаңа Салық кодексінің тәсілдері талқыланды

Іс-шараға ҚК мүшелері, жұмыс тобы, кәсіпкерлер мен тәуелсіз сарапшылар қатысты.

ҚР ҰЭМ Салық және кеден саясаты департаментінің директоры Ерлан Сағынаевтың айтуынша, Қазақстанда көрші елдермен салыстырғанда салықтар ең төмен.

Жалпы, мыналар ұсынылады:

ҚҚС (қосылған кұн салығы) базалық мөлшерлемесін 12%-дан 16%-ға дейін ұлғайту

шикізат және қаржы секторлары үшін КТС (корпоративтік табыс салығы) мөлшерлемесін 25%-30%-ға дейін арттыру

пассивті кірістер үшін ЖТС-тың (жеке табыс салығы) прогрессивті мөлшерлемесі ұсынылады

«Сондай-ақ, мұнай өнімдерінің көрші елдерге шығарылуына жол бермеу жөнінде шаралар қабылдау қажет. Осыған байланысты, өнімді бөлу туралы келісімді қоспағанда, пайдалы қазбаларды өндіруге салынатын салыққа жүктемені ауыстырумен 2025 жылдан бастап экспорттық кедендік бажды және мұнай экспортына рента салығын жою. 2025 жылдан бастап мұнайды ішкі нарыққа өткізу кезінде ПҚӨС (пайдалы қазбаларды өндіру салығы) ставкаларына 0,5 коэффициентін жою, бағалардың теңестірілуіне байланысты жер қойнауын пайдаланушылардың маржасын бюджетке алу ұсынылады», - деп нақтылады ол.

Сонымен қатар, қымбат мүлікке салық салудың жаңа тәсілдері ұсынылады. Атап айтқанда, яхталарға, жеке ұшақтарға (ауыл шаруашылығында қолданылатын ұшақтарды қоспағанда) салық ставкаларын ұлғайту.
Анықтама: жеке тұлғалардың меншігінде 490, заңды тұлғалардың меншігінде 176 яхта, жеке тұлғалардың меншігінде 248, заңды тұлғалардың меншігінде 665 ұшақ бар.

Мүлік салығын есептеу меншіктегі барлық объектілердің құнынан жүргізілетін болады. Сондай-ақ, «сән-салтанат» заттарына қосымша акциздер, оның ішінде құнының 10% мөлшерінде қымбат алкоголь және темекі өнімдеріне акциздер енгізу мәселесі бойынша жұмыс жүргізілуде.

Отырыс барысында Қоғамдық кеңес мүшелері салық саласын цифрландыру, салықтарды әкімшілендіру, импортқа ҚҚС-ты көтеру, жеке тұлғаның ең төменгі салық салынбайтын табыс деңгейі, салық органдарының жауапкершілігі, салық төлеушілердің теңдігін күшейтуге және т.б. байланысты мәселелерді көтерді. ҰЭМ өкілдері бұл сұрақтардың барлығы ерекше бақылауда екенін және мұқият қаралатынын жеткізді.

Бүгінгі таңда 700-ге жуық ұсыныс түсті. Жаңа Салық кодексінің жобасын әзірлеу жұмысы жалғасуда.

• 13.10.2023
• 190