Көкшетау әуежайының директоры тағайындалды

Астана қаласының "Н. Назарбаев халықаралық әуежайы" АҚ Басқарма төрағасы Ерғазы Жолдасов "Нұрсұлтан Назарбаев халықаралық әуежайы" АҚ филиалы "Көкшетау әуежайы" жаңа директоры – Ерлан Құсайыновты Ақмола облысының әкімі Марат Ахметжановқа облыс активінің алдында таныстырды, деп хабарлады облыс әкімінің баспасөз қызметі.

Құсайынов Кажан Қажығалиұлы, 2012 жылы "Фемида" заң академиясын бітірген. Еңбек жолын 2014 жылы "Көкшетау авиакомпаниясы" АҚ-да бастаған.

2014 жылдан 2019 жылға дейін-әртүрлі лауазымдарда жұмыс істеді "Көкшетау авиакомпаниясы" АҚ-да. 2020 жылы "Нұрсұлтан Назарбаев халықаралық әуежайы" АҚ – "Көкшетау әуежайы" филиалы директорының орынбасары болып тағайындалды.

Кездесуде сондай-ақ әуе айлағын дамыту перспективалары және халықаралық рейстерді іске қосу және Қазақстан бойынша маршруттарды ұлғайту мүмкіндігі талқыланды.

Айта кетейік, Көкшетау әуежайында Ақтау, Шымкент және Алматы қалаларына тұрақты авиарейстер орындалады.

• 15.10.2023
• 161