«ҚТЖ-Жолаушылар локомотивтері» ЖШС өз өтінімін қоғамдық талқылауға шығарды

Бүгін, 2023 жылғы 16 қазанда ҚР ҰЭМ Табиғи монополияларды реттеу комитеті жария тыңдауларда «ҚТЖ-Жолаушылар локомотивтері» ЖШС-ның жолаушылар қозғалысындағы локомотивтік тартқыш қызметіне бағаның алдағы уақытта өсетіні жөніндегі хабарламасын талқылады.

Хабарлама ҚР Ұлттық экономика министрінің 2017 жылғы 1 ақпандағы № 36 бұйрығымен бекітілген Қоғамдық маңызы бар нарықтарда баға белгілеу қағидаларына (Баға белгілеу қағидалары) сәйкес ұсынылды.

Баға белгілеу қағидалары талап ететіндей, жария тыңдауларды өткізудің мақсаты жариялылықты, ақпараттандыруды, тұтынушылар мен субъектілер мүдделерінің теңгерімін сақтауды, тауарларға (жұмыстарға, көрсетілетін қызметтерге) бағаларды қалыптастырудың ашықтығын және шынайылықты қамтамасыз ету болып табылады.

Жария тыңдауда ТМРК-ның Теміржол көлігі және порттар саласындағы реттеу басқармасының басшысы Азамат Абиев төрағалық етті.

Жолаушылар қозғалысындағы локомотивтік тартқыш қызметіне бағаның жобасы бойынша баяндамамен «ҚТЖ – Жолаушылар локомотивтері» ЖШС-ның бас директорының орынбасары Асқар Бахытұлы Мақсұтов сөз сөйледі.

Жария тыңдауларда мүдделі мемлекеттік органдардың, «Атамекен» ҚР ҰКП-ның, бұқаралық ақпарат құралдарының, қоғамдық маңызы бар нарықтар субъектілерінің, сондай-ақ қауымдастықтар мен басқа да ұйымдардың өкілдері қатысты.

Тыңдаулар барысында «ҚТЖ-Жолаушылар локомотивтері» ЖШС-ның жолаушылар қозғалысындағы локомотивтік тартқыш қызметтерінің шекті бағасының жобасына пікірлер мен ұсыныстар айтылып тыңдалды.

Жария тыңдаудың қатысушылары қызықтыратын сұрақтарын қойып, Комитет хабарламаны қарау кезінде ескерілетін ойлары мен пікірлерін айтты.

ТМРК субъект пен қызметтің тұтынушылары арасындағы теңгерімді сақтай отырып, негізделген бағаны бекіту кезінде айтылған барлық ұсыныстарды ескеретінін атап өтеді.

• 16.10.2023
• 192