Нұрлан Ноғаев Украинаның Қазақстандағы уақытша сенімді өкілін қабылдады

Аймақ басшысы Нұрлан Ноғаев Украина мен Маңғыстау облыстары арасындағы ынтымақтастықты одан әрі дамытуды талқылау мақсатында Қазақстан Республикасындағы Украинаның уақытша сенімді өкілі Сергей Павлиенко мырзамен кездесті, деп хабарлады облыс әкімінің баспасөз қызметі.

Украина делегациясының сапары Украина мен Қазақстан арасында тығыз байланыс орнатуға, мәдениет пен гуманитарлық мәселелер саласындағы ынтымақтастыққа бағытталған.
Маңғыстау облысының Украинамен сыртқы сауда айналымы 2023 жылдың бірінші жартыжылдығында 11,6 миллион АҚШ долларына жеткенін атап өту кернк. Аймақта украин диаспорасының үш мыңнан астам мүшесі бар, 16 кәсіпорын тіркелген, олардың қызметі экономиканың әртүрлі салаларын, соның ішінде жарнама, телекоммуникация, металл қалдықтарын қайта өңдеу және азық-түлік дүкендерін қамтиды.
Өңір басшысы Маңғыстау облысының Қазақстанның теңіз қақпасы ретіндегі стратегиялық маңызын атап өтті

- Қазіргі уақытта біз логистикалық артықшылығымызды пайдалана отырып, Ақтау және Құрық порттарын дамыту бойынша белсенді жұмыс істеп жатырмыз. Біз Үкіметпен, көлік министрлігімен және басқа да орталық мемлекеттік органдармен бірлесіп Президент Қасым-Жомарт Тоқаевтың тапсырмаларын орындаудамыз. Маңғыстау облысының жергілікті атқарушы органдары аталған жобаларды іске асыруға мүдделі, өйткені олар жаңа жұмыс орындарын құруға, салық базасын кеңейтуге және инвестициялар тартуға ықпал етеді. Осыған байланысты, біз мақсатымызбен бөлісетін барлық мүдделі инвесторларды осы процеске қосылуға шақырамыз, - деп атап өтті Маңғыстау облысының әкімі Нұрлан Ноғаев.

• 16.10.2023
• 115