2023 жылғы қыркүйектегі ауа-райы рекорды

2023 жылдың қыркүйек айы жаңбырлы ауа-райымен есте қалды. Атмосфералық жауын-шашын бойынша рекордтар байқалып, бір тәулік ішінде метеорологиялық станцияларда екі және одан да көп айлық норма түсті. Мәселен, 3 қыркүйекте Қостанай облысындағы Железнодорожный метеостанциясында 31 мм (айлық норма 17 мм), 4 қыркүйекте Ақмола облысындағы Аршалы метеостанциясында 40 мм (норма 21 мм), 10 қыркүйекте Маңғыстау облысындағы Сам метеостанцияда  15 мм (айлық норма 7 мм), ал Бейнеу метеостанциясында 25 мм (норма 5 мм), яғни нормадан 5 есе көп, сондай-ақ осы күні Қызан метеостанциясында 13 мм (айлық норма 6 мм) жауын-шашын жауды. 15 қыркүйекте Атырау облысындағы Махамбет метеостанциясында 26 мм  (норма 13 мм), 20 қыркүйекте Қарағанды облысындағы Бектауата метеостанциясында  15 мм  (норма 6 мм), 11 қыркүйекте Ақтөбе облысындағы Ырғыз метеостанциясында 4,5 есе көп - 27 мм жауын-шашын  (айлық норма - 6 мм), Қарабұтақ метеостанциясында 28 мм (норма 14 мм) жауды, ал 21 қыркүйекте Абай облысындағы Аягөз метеостанциясында жауын-шашын мөлшері 37 мм-ді (айлық норма 13 мм) құрады. Шығыс Қазақстан облысында 25, 26 қыркүйек күндері жауын-шашын (жаңбыр, қар),  кейде оның қатты жауғаны байқалды,  Марқакөл метеостанциясында  19 мм (айлық норма 54 мм), Риддер метеостанциясында 21 мм, Үлкен-Нарын метеостанциясында 34 мм (айлық норма 39 мм), Қатонқарағай метеостанциясында 34 мм (айлық норма 41,7 мм) жауын-шашын жауды.

Атмосфералық жауын-шашын бойынша рекордтан басқа, айдың соңында ауа температурасы төмендеген кезде аяз байқалды: Қарағанды облысында
25 қыркүйекте түнде 1°С-қа дейін, 27 қыркүйекте түнде Абай облысында 3°С-қа дейін жетті.

Сонымен қатар, айдың ішінде елдің оңтүстігінде және оңтүстік-шығысында қатты жел байқалды, атап айтқанда, Достық автоматты метеорологиялық станциясында (Жетісу облысы) желдің екпіні 30-39 м/с, 11 қыркүйекте Таукент АМС-да (Түркістан облысы) 33 м/с дейін жетті.   

Метеорологиялық бақылауларға сәйкес, Астана қаласында ең төмен ауа температурасы 24 қыркүйекте түнде тіркеліп, +3,5°С құрады, ал ең жоғары ауа температурасы 9 қыркүйекте +24,6°С шегінде байқалды.  

Жалпы алғанда, айдың ішінде 3 айлық норма - 63 мм жауын-шашын  (айлық норма - 21 мм) жауды. Тек қана бір күннің ішінде 12 қыркүйекте қалада бір айлық нормаға  жуық жауын-шашын жауып, көлемі 25 мм құрады.

• 17.10.2023
• 144