ҰЭМ басшысы Черногорияның Қазақстандағы Төтенше және Өкілетті елшісі Милорад Шчепановичпен кездесті

Тараптар екіжақты ынтымақтастықтың өзекті мәселелерін, оның ішінде өзара сауданы жандандыру және тиімді қатынас орнатуға бағытталған нақты шараларды талқылады.

Министр БҰҰ Бас Ассамблеясы алаңындағы екі ел президенттерінің кездесуінің нәтижесін ерекше атап өтті.

«Бұл Қазақстан-Черногория қатынасының дамуына жаңа серпін береді. Біз өз тарапымыздан барлық стратегиялық бағыттар бойынша өзара тиімді ынтымақтастықты одан әрі тереңдетуге ниеттіміз», - деді Ә.Қуантыров.

Өз кезегінде, Милорад Шчепанович әзірленіп жатқан Экономикалық ынтымақтастық туралы екіжақты келісім одан әрі даму үшін үлкен мүмкіндіктер ашатынына, сондай-ақ үкіметаралық комиссияның жұмысын күшейтетініне сенім білдірді.

Сондай-ақ, Елші атап өткендей, Черногория қазақстандық туристер үшін барынша тартымды болу керек. Оның пікірінше, бұл гуманитарлық және экономикалық байланыстардың дамуына зор серпін береді.

Кездесу қорытындысы бойынша тараптар тұрақты жұмыс байланыстарын жалғастыруға келісті.

• 18.10.2023
• 172