1500-ден астам мұғалім PIRLS-2021 нәтижелері мен тапсырмаларын егжей-тегжейлі талдау бойынша семинар-тренингке қатысты

Білім саласында сапаны қамтамасыз ету комитеті халықаралық салыстырмалы зерттеулердің нәтижелерін түсіндіру және пайдалану бойынша жұмыс жүргізуде.

Қазақстанда PIRLS халықаралық зерттеуі алғаш рет 2016 жылы өткізілді. 2021 жылы Қазақстан PIRLS зерттеуінің кезекті цикліне қатысты. Зерттеуге 389 мектептен 10 мыңнан астам оқушы, сонымен қатар ата-аналар, мұғалімдер және мектеп директорлары қатысты.

Ақпараттық-түсіндіру жұмыстарын жүргізу және Қазақстанның зерттеуге қатысу нәтижелерін тарату мақсатында «Ахмет Байтұрсынұлы атындағы «Талдау» ұлттық зерттеулер және білімді бағалау орталығы» АҚ құпиялылық режимінен шыққан PIRLS-2021 нәтижелері мен тапсырмаларын егжей-тегжейлі талдау және оларды одан әрі қолдану бойынша бірқатар вебинарлар өткізді.

Вебинарларға PIRLS-2021 қатысушы мектептер, «Тіл және әдебиет» білім беру саласының педагогтері, 1000 мектепке әдістемелік қолдау жобасы шеңберінде аудандық және облыстық әдістемелік орталықтардың менторлары, сондай-ақ басқа да мүдделі педагогтер қатысты.

Сондай-ақ, «Талдау» орталығы мұғалімдер мен әдіскерлерге, сондай-ақ педагог кадрларды даярлауды жүргізетін колледждер мен жоғары оқу орындарына арналған оқу-әдістемелік кешен ретінде PIRLS-2021 тест тапсырмаларының жинағын дайындады.

Естеріңізге сала кетейік, 2023 жылдың мамыр айында IEA халықаралық оқу жетістіктерін бағалау қауымдастығы PIRLS-2021 халықаралық зерттеуінің бесінші циклінің нәтижелерін жариялады. PIRLS әлемнің 60-тан астам елдері мен аумақтарында төртінші сыныптың соңында оқушылардың оқу сауаттылығының қалыптасу деңгейін бағалайды.

• 18.10.2023
• 133