2020 жылдың қорытындылары ағымдағы жылғы экономикалық өсудің берік негізін қалайды

Қазақстан Республикасының Ұлттық экономика министрі Руслан Дәленов Қазақстан Республикасы Үкіметінің отырысында еліміздің 2020 жылғы әлеуметтік-экономикалық дамуының қорытындылары туралы баяндады.

2020 жылы экономиканы қолдаудың ауқымды шаралары, өндіруші секторлардағы инвестициялық белсенділік, нақты сектордың өсуі және сауда балансының оң сальдосы, сондай-ақ экономиканы кредиттеудің ұлғаюы экономика дамуының негізгі факторларына айналды.

2020 жылдың қорытындылары ағымдағы жылғы экономикалық өсу үшін берік негіз қалайды.

2020 жылы нақты сектордың өсуі 2,0% - ды құрап, экономикалық драйверге айналды. Қызмет көрсету секторы үшін жыл 5,6% минуспен аяқталды, дегенмен соңғы айларда динамика қалпына келе бастады. Нәтижесінде ЖІӨ өсу қарқыны минус 2,6% құрады, бұл 11 айдағы динамикадан жоғары.

Нақты сектордың барлық дерлік салалары мен жекелеген қызмет түрлері өсудің оң қарқынын көрсетеді. Бұл құрылыс (11,2% - ға өсу), ақпарат және байланыс (8,6% - ға), ауыл шаруашылығы (5,6% - ға), өңдеу өнеркәсібі (3,9% - ға), білім беру (2,3% - ға).

Қазақстан Республикасы Ұлттық экономика министрлігінің деректері бойынша экономика құрылымында сапалы өзгеріс болды.

2020 жылы өнеркәсіптің жалпы көлеміндегі өңдеу үлесі 9,4 п.т. - ға, 2019 жылғы 39,4% - дан 2020 жылы 48,8% - ға дейін өсті. Жеңіл өнеркәсіптің, автомобиль жасаудың және дайын металл бұйымдарының екі таңбалы өсуі байқалады. Өңделген, дайын тауарлардың экспорты артты.

Өндірістің өсуінің арқасында жалпы тұтынудағы қазақстандық тауарлардың үлесі 4,7 п. т. өсті.

Электрондық сауда үлесінің 6 п.т. және қолма-қол ақшасыз төлемдер көлемінің 2 есе өсуі, сондай-ақ тау-кен өндіру өнеркәсібін есепке алмағанда, инвестициялардың 14,8% - ға өсуі байқалады.

• 12.01.2021
• 373