ҚҰРМЕТТІ ЖЕРЛЕСТЕР!!!

ҚР Премьер-министрі Әлихан Смайылов Шығыс Қазақстанға жасаған жұмыс сапары барысында бірқатар маңызды нысандарды аралады. Атап айтсақ, Риддер жылу электр орталығында жөндеу жұмыстары аяқталуда. Сондай - ақ, Үкімет басшысы "Altyn Shyghys" май экстракция зауытында болды. Орталық Азиядағы ең ірі кәсіпорында майлы дақылдардың бес түрі өңделеді. Келесі жылы тазарту желісі іске қосылмақ, бұл экспортты ұлғайтуға мүмкіндік береді. Әлихан Смайлов Үкімет бұл жобаны қолдайтынын атап өтті. Премьер-Министр "Өскемен титан-магний комбинаты" АҚ-да болып, жоғары технологиялық өндіріспен танысты. Бүгінгі таңда кәсіпорын өнімдері негізінен индустриалды дамыған елдерге, соның ішінде Ұлыбритания, Үндістан, Қытай, Ресей, АҚШ, Франция және Оңтүстік Кореяға экспортталады. Сонымен қатар Үкімет басшысы Өскемен қаласында құрылысы жүргізіліп жатқан екі ауқымды жобамен танысты. Олар - көтерме-тарату орталығы мен СуперЦОН. Көтерме-тарату орталығы импортты алмастыру және бағаны тұрақтандыру нүктесіне айналады. Яғни, ауылшаруашылық өнімдерін тұрғындар делдалсыз өндірушілерден тікелей сатып ала алады. Сонымен қатар, Ресей Федерациясы мен ҚХР-дан тауарлар әкелетін логистикалық орталық функциясын да атқарады. Орталықтың жанынан СуперЦОН салу жоспары бар, Министрлер кабинетінің басшысы бұл жобаға қолдау білдірді. Ал салынып жатқан гематологиялық орталық заманауи зертханалар мен операциялық бөлмелер жұмыс істейтін Қазақстан үшін бірегей медициналық мекеме болмақ. ҚР Премьер-Министрі құрылысты аяқтауға қаржы бөлінетінін атап өтті.

• 20.10.2023
• 242