"Қазмырыш" Көкшетауда мектеп құрылысын қаржыландырады

2023 жылғы 23 қазанда Көкшетау қаласының әкімдігі, "Қазмырыш" тау-кен металлургиялық компаниясы және оның еншілес кәсіпорны "Altyntau Kokshetau" арасында ынтымақтастық туралы Меморандумға қол қойылды. Құжат тараптардың облыс орталығында жаңа мектеп салу жөніндегі міндеттемелерін бекітеді.

«Бұл меморандум маңызды мәселелерді шешу және аса сұранысқа ие жобаларды іске асыру үшін мемлекеттік органдармен табысты ынтымақтастықтың тағы бір көрсеткіші болып табылады. Жаңа мектеп салу балаларға білім беру мүмкіндіктерін кеңейту жолындағы серпінді кезең болатынына сенімдімін», - деді өз сөзінде "Қазмырыш" ЖШС Бас директоры Александр Хмелев.

300 орындық білім беру нысаны Әуезов көшесіндегі №10 мектептің орнында пайда болады. Талаптарға сай келмейтін ескі ғимаратты бөлшектеуді қала әкімдігі қамтамасыз етеді. Жаңа мектептің құрылысын "Қазмырыш" қаржыландырады, процесті жергілікті жерде ұйымдастыруды "Altyntau Kokshetau" қамтамасыз етеді.

• 24.10.2023
• 245