Марат Қарабаев Ақтөбе мен Қандыағаштың теміржол вокзалдарына барды

Ақтөбе облысына жұмыс сапары барысында Көлік министрі Марат Кәрімжанұлы Ақтөбе және Қандыағаш қалаларының теміржол вокзалдарына барып, жұмыс барысын бағамдап қайтты.

  Ақтөбе және Қандыағаш стансаларының вокзалдары 1976 және 1984 жылдары салынып, 2013 жылы күрделі жөндеуден өткен. Бүгінгі таңда халықаралық транзиттік жолаушылар пойыздарын қоса алғанда, аталған екі вокзал арқылы 18 бағыт бойынша пойыздар қатынайды. 

 Былтырғы жылдың қорытындысы бойынша бұл теміржол бекеттерінің қаржылық көрсеткіштері көңіл көншітпейді. Осыған байланысты Ақтөбе облысындағы көлік инфрақұрылымының әлеуметтік маңызды объектілерін дамыту жоспарлары мен жолаушылар сервисін жақсарту мәселелері талқыланды.

• 27.10.2023
• 207