Асхат Шахаров: Аулаларды абаттандыру жұмыстары тоқтамау керек

Мұғалжар ауданына жұмыс сапары барысында облыс әкімі Асхат Шахаров көппәтерлі үйлердің аулаларын абаттандыруға да назар аударды.

 Қандыағашта бұл бағытта жүргізіліп жатқан шаралар туралы қала әкімі баяндама жасады. Талғат Өтемұратовтың айтуынша, аудан орталығында 3 жыл бойы көппәтерлі үйлердің аула аумағы абаттандырылып келеді.

  «ИКАС» ЖШС жұмыстарды бір ай бұрын бастады. Олар аумақтарды тегістеу және тазалау, абаттандыру, жолдарды, автотұрақтармен тротуарларды асфальтпен жабу, балалар ойын алаңдарын орнаті жұмыстарын жүргізуге міндетті», - деп түсіндірді ол.

  Облыс әкімі мердігер мекеме басшылығына аулаларда жаңбырдан кейін шалшық сулар пайда болмасы үшін жолдың негізі дұрыс жасалуын қадағалауды,  жұмыстарды сапалы орындап, белгіленген уақытта аяқтауды ескертті. Аулаларды абаттандыру жұмыстары тоқтамау керектігін, тұрғындарға бұл ыңғайлы екенін тілге тиек етті.

  Қандыағашта 120 көпқабатты үй бар, оның 30 пайызы ғана абаттандырылған.

• 27.10.2023
• 216