Астана қаласында өткен XI Азаматтық форумда Орнықты даму мақсаттарын іске асыру мәселелері талқыланды

«Орталық Азия елдерінде ОДМ-ға қол жеткізу үшін үкіметтік емес ұйымдармен серіктестікте тұрақты платформалар құру» сессиясының негізгі тақырыбы Орнықты даму мақсаттарына қол жеткізудегі азаматтық қоғамның рөлі болды.

Ұлттық экономика вице-министрі Абзал Әбдікәрімов үкіметтік емес ұйымдардың Қазақстанда ОДМ-ды іске асырудағы ерекше рөлі мен үлесін атап өтті.

Азаматтық қоғамның беделді өкілдері 2019 және 2022 жылдары елдің Ерікті ұлттық шолуларын дайындау процесіне қатысты. Сондай-ақ, ҮЕҰ өкілдері ағымдағы жылы құрылған Орнықты даму саласындағы ұлттық мақсаттар мен міндеттерді іске асыру жөніндегі Парламенттік комиссияның құрамына енгізілді.

Өз кезегінде, Біріккен Ұлттар Ұйымының Даму бағдарламасының өкілдері азаматтық қоғамды гендерлік теңдік мәселесіне тартудың маңыздылығына назар аударды.

Жалпы, сессия ОДМ-ды табысты іске асыру тәжірибесімен алмасуға мүмкіндік берді.

• 27.10.2023
• 183