Облыс әкімі тұрғындарды жеке сұрақтарымен қабылдады

Облыс әкімі Асхат Шахаров азаматтарды жеке сұрақтарымен қабылдап, олардың өтініштері мен ұсыныстарын тыңдады.  

«Анаға тағзым» орталығында өткен жеке қабылдауға облыстық және қалалық мәслихат төрағалары, барлық мемлекеттік органдардың басшылары да қатысты. 

Өңір басшысының жеке қабылдауына 54 ақтөбелік келді. Олар тұрғын үй, тұрғын үй құрылысына үлестік қатысу, жер, әлеуметтік көмек көрсету, жұмыспен қамту, жол салу, көшені сыртқы жарықтандыру, қоғамдық көлік, ауыл шаруашылығына қатысты және т.б мәселелерді көтерді. 


Асхат Шахаров барлық сұраққа толық жауап берді, өтініш білдірген тұрғындардың мәселелері заң аясында шешімін табатынын, ұсыныстар алдағы уақытта жұмыс барысында назарға алынатынын жеткізді. 

Облыс әкімінің азаматтарды қабылдауы алдын ала жазылу арқылы тұрақты түрде жүргізіледі.

• 30.10.2023
• 155