Орта білім беру ұйымдарында мектепішілік бақылауды іске асыру

Білім саласында сапаны қамтамасыз ету комитеті 1000 мектепті қолдау жобасы шеңберінде орта білім беру сапасын жетілдіру бойынша жұмысты жалғастыруда.

Атап  өткендей Комитет тарапынан апта сайын тәлімгерлер, орта білім беру ұйымдарының  басшылары үшін мектептерде осы мәселені іс жүзінде іске асыру үшін мектепішілік бақылаудың негізгі қағидаттарын түсіндіру бойынша вебинарлар, семинарлар мен тренингтер өткізілуде.

Осылайша, осындай семинарлардың бірі ағымдағы жылдың 31 қазанында әдістемелік орталықтар өкілдерінің (тәлімгерлердің), қалалық және өңірлік орта білім беру ұйымдары басшыларының қатысуымен өтті.

Аталған семинарда Жамбыл облысы Байзақ ауданы Н. Кикбаев атындағы мектеп-гимназиясының директоры Ермекова Гүлбахрам Серікқызы және директордың ғылыми-әдістемелік жұмыс жөніндегі орынбасары Қуатова Әсел Берікқызы мектепішілік бақылауды жүзеге асыру тәжірибесімен бөлісті.

Спикерлер өз мектебінде мектепішілік бақылауды жүзеге асыру барысы бойынша, пән мұғалімдеріне арналған семинарлар өткізу, ата-аналармен түсіндіру жұмыстарын жүргізу, білім алушылардың білім сапасы мен үлгерімінің нәтижелері туралы атап өтіп, сондай-ақ мектепішілік бақылаудың басқа да мәселелерін қозғады.

Сондай-ақ, семинарда Назарбаев зияткерлік мектебінің педагогикалық өлшемдер орталығының шақырылған сарапшысы – Ауелбекова Айнұр Жұмаханқызы «Критериалды бағалау жүйесі» тақырыбында презентация жасады.

• 01.11.2023
• 189