Ақтөбе облысында «Тәуелсіздік ұрпақтары» грантына өтінімдер қабылдау басталды

Ақтөбе облысында «Тәуелсіздік ұрпақтары» грантын алуға өтінімдерді қабылдау басталды. Биыл 300 мың теңгеден 30 грант беріледі.
 
«Грант берудің мақсаты – белсенді шығармашылық жастар қауымдастығын қалыптастыруға бағытталған жастардың жаңа әрі қолданыстағы бастамаларын қолдау. Байқауға 14-34 жас аралығындағы облыс тұрғындары қатыса алады», - деді облыстық жастар ресурстық орталығының өкілі Иса-Бек Дүйсенбаев.
 
Гранттар конкурстық негізде алты бағыт бойынша беріледі: «ғылым» - ғылымның басым секторларында жаңа ғылыми жобалар мен зерттеулерді іске асыру үшін; «мәдениет» - мәдени мұраны танымал етуге, халықтың мәдени дәстүрлер мен өнерді ілгерілетуге бағытталған жобаларын іске асыру үшін; «ақпараттық технологиялар» - жаңа IT-шешімдерді, стартап-жобаларды әзірлеп, іске асыру үшін; «бизнес» - экономиканың басым секторларында жаңа бизнес-идеяларды іске асыру үшін; «медиа» - жаңа медиа жобаларды, оның ішінде жастар үшін танымдық, пайдалы, қызықты контент құратын жобаларды іске асыру «волонтерлік» - еріктілер қозғалысын дамыту үшін.
 
Үміткерлердің конкурстық өтінімдері қағаз және электрондық пошта арқылы resurscentr_aktobe@mail.ru түрде 2023 жылдың 30 қазанынан 20 қарашасына дейін қабылданады.

• 06.11.2023
• 146