«Ақтөбе – Хромтау – Қарабұтақ» автожолын жөндеу жұмыстары жалғасуда

«Қазавтожол» АҚ Ақтөбе облыстық филиалы «Ақтөбе-Хромтау-Қарабұтақ» күре жолын жөндеу жұмыстарын жалғастыруда. 
 
Бүгінгі күні 26,1 мың шаршы метрден асатын көлемде шұңқырларды жамау жұмыстары жүргізілген. Сондай-ақ Ақтөбе қаласы мен Дөң ауылы арасындағы 64,6 мың шаршы метр тасжолға тегістеу қабаты төселген. Мұндай жұмыстар Дөңнен Бөгетсай ауылына дейінгі 94,5 мың шаршы метрлік учаскеде де жасалған.
 
Қазіргі таңда апаттық жағдайлар мен жол-көлік оқиғаларының алдын алу, қауіпсіз жол қозғалысын қамтамасыз ету мақсатында халықаралық маңызы бар М-32 «РФ шекарасы (Самараға) – Шымкент» автожолының 763-965 шақырым теліміндегі 193,9 м2 жөнделмеген аралықты тегістеу жұмыстары басталды. Жобаның аяқталмаған бөлігі 2024 жылы жасалады.
 
Қазір «Ербол-ЭЛЬ» ЖШС мердігерлік ұйымы Бөгетсай ауылы аумағында жұмыс істеп жатыр, бұл трасса - ең проблемалы учаскелердің бірі.
 
Сонымен қатар, қараша айында автожолды күтіп ұстау жұмыстары аясында ауданы 1200 м2 шұңқырларды жамау жүргізу жоспарлануда.

• 06.11.2023
• 120