Тарифтік реттеудің ынталандыру әдісін енгізу

Өткен аптада Астанада ҚР ҰЭМ ТМРК Дүниежүзілік банкпен бірлесіп, халықаралық және отандық сарапшылар, салалық қауымдастықтар мен ҰЭМ қызметкерлері шақырылған халықаралық тәжірибе негізінде әзірленген ынталандыру тарифтерін белгілеу әдісін қолдану бойынша семинар ұйымдастырды.

ҰЭМ ТМРК төрағасы Асан Дарбаев тиімді ынталандыруларды енгізе отырып, коммуналдық жүйенің тиімді жұмыс істеуінің жаңа тәсілдерін әзірлеу тұрғын үй-коммуналдық шаруашылық саласын жаңғыртудағы басым міндет екенін атап өтті.

Тарифтік әдістемені жетілдіру жаңа инвестицияларды ынталандыру, инновациялық шешімдерді енгізу, тұтынушылармен байланыс деңгейін арттыру, көрсетілетін қызметтердің сапасын бақылау және тиісінше кірістер алу арқылы табиғи монополиялар субъектілерінің қызметінің тиімділігін арттыруға бағытталған.

Негізгі нысаналы көрсеткіштерге қол жеткізу тиімділік, сапа және сенімділік параметрлері бойынша бағаланады, олар бекітілген тарифпен бір мезгілде тіркеледі және монополистердің пайда деңгейіне тікелей әсер етеді.

Осылайша, ұсынылған әдіс халықаралық тәжірибеде монополистердің қызметін мемлекеттік реттеу принциптеріне сәйкес келеді.

Бұған дейін ҰЭМ басшысы халықаралық тәжірибені ескере отырып, тариф белгілеудің жаңа әдістерін қолдап, ұсынылып отырған шараларды қазақстандық шындыққа бейімдеу керектігін атап өткенін еске саламыз.

• 08.11.2023
• 159