2021 жылғы 19 қаңтарда облыс әкімінің қатысуымен аппараттық кеңес өткізілді, онда жылыту маусымының барысы, облыс орталығының жол инфрақұрылымының жай-күйі, өңірдің санитариялық-эпидемиологиялық жағдайы, бағаның өсуі және басқа да бірқатар өзекті мәселелер талқыланды

Кеңес барысында облыс әкімінің орынбасарлары, облыстық ведомстволардың басшылары аталған мәселелер бойынша ағымдағы жағдай туралы баяндады.

Жұмыспен қамту жол картасы шеңберінде жобаларды дайындауды жеделдету және оларды іс жүзінде іске асыру бойынша жұмысты бастау тапсырылды.

Облыс орталығындағы жолдар өте қанағаттанарлықсыз жағдайда, әлеуметтік желілерде тұрғындар тарапынан шағымдар көп. Қала әкімі Ә.Смайыловқа қарды тазалау және шығару бойынша барлық мәселелерді қысқа мерзімде шешу, тұрғындардың жылумен, газбен қамтамасыз ету және қоқыс шығару жөніндегі өтініштеріне уақтылы ден қою тапсырылды.

Облыс қызыл аймақта орналасқан, карантиндік шаралар бұзылған. Мониторингтік топтардың жүйелі жұмысы жоқ. Аурушаңдықтың өсуі байқалады. Өз кезегінде бизнес пен азаматтар эпидемиологиялық жағдай санитарлық және профилактикалық шаралардың қатаң сақталуына байланысты болатынын түсінуі керек. Халық арасында түсіндіру жұмыстарын күшейту, дәріхана желісінде қажетті дәрілік заттардың болуына мониторинг жүргізу және карантиндік шараларды бұзған адамдарды жауапкершілікке тарту қажет.

Ол азық-түлік бағасының өсуіне назар аударды. Әлеуметтік маңызы бар тауарлардың бағасына байланысты жағдай үнемі бақылауда болуы керек және азық-түлік бағасының негізсіз өсуіне жол бермеу керек. Барлық белгіленген мәселелер бойынша тиісті тапсырмалар берді.

• 19.01.2021
• 305