Қазақстан Республикасы Премьер-Министрінің орынбасары – Қаржы министрі Е.К. Жамаубаевтың Халықаралық валюта қоры миссиясының өкілдерімен кездесуі

Бүгін Қазақстан Республикасы Премьер-Министрінің орынбасары – Қаржы министрі Е.К. Жамаубаевтың Халықаралық валюта қоры (ХВҚ) миссиясының өкілдерімен кездесуі өтті. 

ХВҚ-ның Қазақстан Республикасының билігімен консультациялар өткізу жөніндегі жыл сайынғы миссиясы ХВҚ Жарғысының IV бабына сәйкес жүзеге асырылады. 

Кездесуге Қазақстан бойынша ХВҚ миссиясының басшысы Николя Бланше, оның орынбасары Алехандро Хайденберг және басқа да сарапшылар қатысты.

Кездесу барысында орта мерзімді кезеңге арналған экономикалық перспективалар, 2023 жылғы бюджеттің ағымдағы атқарылуы, ҚР Қаржы министрлігі қызметінің негізгі басымдықтары, оның ішінде бюджет және салық кодекстерін дайындау, мемлекеттік сатып алу рәсімдерін жетілдіру мәселелері талқыланды. 

Ерұлан Жамаубаев Қазақстандағы ағымдағы экономикалық жағдай және ҚР Үкіметі жүргізіп жатқан экономикалық реформалар туралы егжей-тегжейлі айтып берді.

Кездесу соңында Ерұлан Жамаубаев Қазақстан ХВҚ-мен өзара іс-қимылдың стратегиялық сипатын жоғары бағалайтынын және одан әрі өзара тиімді ынтымақтастыққа сенімді екенін атап өтті.

• 09.11.2023
• 212