Білім алушылардың білім жетістіктері мониторингінің қорытындысы (ББЖМ) - 2023 жыл

Ағымдағы жылы 1 471 мектеп білім алушылардың білім жетістіктерінің мониторингіне (ББЖМ) қатысты. 4 және 9 сынып оқушылары оқу, математикалық және жаратылыстану сауаттылығы саласында бағаланды. 
Естеріңізге сала кетсек, ББЖМ 2022 жылы енгізілген білім сапасын бағалаудың ұлттық жүйесінің маңызды элементі болып табылады. ББЖМ білім алушылардың функционалдық сауаттылығы мен құзыреттілік деңгейін анықтауға, яғни өмірлік жағдайларда білім мен дағдыларды қолдануға бағытталған.
«Ағымдағы жылы өткен жылмен салыстырғанда ББЖМ нәтижелерінің төмендеуі байқалады. 4 сыныпта орташа балл көрсеткіші 4 балға, 9 сыныпта 10 балға төмендетілді. Білім беру жетістіктерінің көрсеткіштерінің төмендеуі-бұл жалпы әлемдік үрдісі болып табылады. Халықаралық салыстырмалы зерттеулердің нәтижелері  бұған дәлел.
Өткен жылдағыдай төртінші сынып оқушылары орындай алмаған тақырыптары, тоғызыншы сыныптарына да қиындық туғызғандығын, яғни «орындалуы қиын тақырыптардың» сабақтастығы байқалады.
Тапсырманы бірнеше әрекетте модельдеу қабілетін қажет ететін тапсырмалар, сондай-ақ диаграммалар мен графиктері бар тапсырмалар қиын болды. Ағылшын тіліндегі мәтіндермен тапсырмаларды орындау кезінде мәтін құрылымы туралы түсініктің болмауы және сөздік қорының жеткіліксіздігі анықталғаны жөнінде Білім беру саласындағы сапаны қамтамасыз ету комитеті атап өтті.
ББЖМ нәтижелері мектеп оқушыларының нақты фактілерді, мәліметтерді немесе сұрақтарға жауаптарды тікелей мәтіннен таба алатындығын көрсетеді. Мәтінді сканерлеу және қарау, нақты түрде берілген және оңай локализацияланатын қажетті ақпаратты тез және тиімді табу үшін дағдылары жақсы қолданылады.
Сонымен қатар, олар терең түсіну мен талдауды қажет ететін күрделі тапсырмаларды орындау барысында қиындықтарға тап болады. Қорытындыларды тұжырымдау және сұраққа дұрыс жауап беру үшін мәтіннен ақпарат алу қиынға соғады.
Әдістемелік ұсынымдар нұсқасындағы егжей-тегжейлі талдау ағымдағы жылдың қараша айында мектептерге жіберілетін болады. Жыл ішінде әрбір мектеп пул менторлар, сондай-ақ онлайн және оффлайн-семинарлар сериясы арқылы атаулы әдістемелік көмек алады.
2022,2023 жылдардағы мониторингке қатысқан мектептерді қоспағанда, ББЖМ 2024 жылы барлық толық жинақты  мектептерде өткізіледі.

• 13.11.2023
• 164