Қазақстан мектептерінде білім алушылардың білім жетістіктері мониторингінің апробациясы өтеді

2023 жылғы 13-24 қараша аралығында халықаралық салыстырмалы зерттеулердің ұқсастығы бойынша білім алушылардың білім жетістіктерінің мониторингі (ББЖМ) рәсімін жетілдіру аясында жүргізіліп жатқан жұмыс шеңберінде ББЖМ апробациясы өтеді. Апробацияға еліміздің 80-нен астам мектебінің 5 және 10 сынып оқушылары қатысады.

ҚР Оқу-ағарту министрлігінің Білім саласындағы сапаны қамтамасыз ету комитетінде айтылғандай, апробация ББЖМ құралын 2024 жылдың сәуір-мамыр айларында жоспарланған негізгі бағалауға дайындау мақсатында онлайн форматта жүргізіледі.

ББЖМ-нің жаңа тест тапсырмалары PISA, TIMSS, PIRLS халықаралық шеңберлерін ескере отырып жасалған. Олар оқушылардың оқу, математикалық және жаратылыстану сауаттылығын дамытуға бағытталған, бұл оқушылардың мектепте оқу кезінде алған білімдерін пәнаралық және тәжірибеге бағытталған мазмұнның әртүрлі мәселелерін шешу үшін, одан әрі оқыту және қоғамда табысты әлеуметтену үшін пайдалану қабілетін болжайды.

Тест сұрақтарын сынақтан өткізу пайдаланылатын ББЖМ бағалау құралының жарамдылығы мен сенімділігін бағалауға мүмкіндік береді. ББЖМ апробациясының нәтижелері оқушылардың ағымдағы бағаларына әсер етпейді.

Нәтижесінде Ұлттық білім беру жүйесі валидті құралға ие болады, сондай-ақ білім беру сапасын қамтамасыз ету үшін сенімді деректермен қамтамасыз етіледі.

• 13.11.2023
• 269