Қазақстан-Венгрия тауар айналымы

Ағымдағы жылы Қазақстан Республикасы Венгрия мемлекетіне ферроқорытпаларды жеткізе бастап, балық филесінің экспортын екі есе ұлғайтты.

Қазақстан Венгриядан ауыл шаруашылығы дақылдарын жинауға және бастыруға арналған машиналар мен механизмдерді, телефон аппараттарын, инсектицидтерді, гербицидтерді және дәрі-дәрмектерді импорттайды.

Венгрияның Қазақстандағы инвестициялары

 Қазақстан экономикасындағы ең ірі Венгрия инвесторы MOL мұнай-газ компаниясы болып табылады. Сондай-ақ, бұл компания басқа инвесторлармен бірлесіп Батыс Қазақстан облысында орналасқан Рожковское кен орнын игерумен айналысады.

Экономикалық ынтымақтастық жөніндегі Қазақстан-Венгрия үкіметаралық комиссиясының сегізінші отырысы барысында венгриялық Globália Kft. компаниясы Түркістан облысында күн электр станцияларын салуды жоспарлағанын, ал Rex-San медициналық компаниясы медициналық бұйымдар өндірісін құруға мүдделі екені белгілі болды.

Infoware энергетикалық компаниясы электр жабдықтарын өндіруге және Қазақстанның қажеттіліктерін ескере отырып, энергетикалық жобаларға қатысуға қызығушылық танытты.

• 15.11.2023
• 190