Түркістан облысында ҚР БЭЖ Оңтүстік аймағында орналастыру жөніндегі ЖЭС типі бойынша аукциондық сауда-саттық өтті

2023 жылғы 17 қарашада ҚР БЭЖ Оңтүстік аймағы үшін жиынтық белгіленген қуаты 50 МВт жел энергетикалық станцияларының жобаларын іріктеу бойынша ЖЭК бойынша аукцион өткізілді.

Аукциондық сауда-саттыққа қатысуға 6 компания жіберілді, сауда сессиясын өткізу барысында қатысушылар 31 баға ұсынысын берді. Берілген өтінімдердің жиынтық көлемі 240 МВт құрады. ЖЭС жобаларын іріктеу бойынша аукциондық сауда-саттықты өткізу кезіндегі шекті аукциондық баға 2023 жылы 22.68 тг/кВтсағ (ҚҚС-сыз) құрады.

Сауда-саттық сессиясын өткізу барысында аукциондық сауда-саттыққа қатысушылардан алынған өтінімдердің баға диапазоны 22.68-ден 11.78 тг/кВтсағ (ҚҚС-сыз) құрады.

Аукциондық сауда саттық қорытындысы бойынша жеңімпаз болып келесі компания анықталды:

• ЖШС «New Clean Energy» жобаның белгіленген қуаты 50 МВт, аукциондық бағасы 11.78 тг/кВт*сағ (ҚҚС-сыз). Жобаны Түркістан облысында орналастыру жоспарлануда.

Аукциондық сауда-саттыққа байқаушылар ретінде келесі өкілдер қатысты: Қазақстан Республикасы Энергетика министрлігі, «ECOJER» қазақстандық өңірлік экологиялық бастамалар Қауымдастығы» ЗТБ және ЕҚДБ.  

Байқаушылар аукционды ұйымдастырушы – «ЭҚРҚО» АҚ электрондық сауда жүйесі жұмысының толық ашықтығын атап өтті.

ЖЭК бойынша аукциондық сауда-саттық жеңімпаздарының тізілімімен сауда-саттықты ұйымдастырушының ресми интернет-ресурсында танысуға болады: https://vie.korem.kz/rus/analitika/restr_pobed/ .

Келесі аукцион белгіленген жиынтық қуаты 50 МВт ҚР БЭЖ Оңтүстік аймағы үшін ЖЭС жобаларын іріктеу бойынша 2023 жылғы 20 қарашаға тағайындалды.

Аукциондық сауда-саттықты ұйымдастырушы – «Электр энергиясы мен қуаты нарығының қазақстандық операторы» АҚ.

• 17.11.2023
• 154