Қазақстан Республикасы Оқу-ағарту министрлігінің Білім беру саласындағы сапаны қамтамасыз ету комитеті педагогтердің құқықтарын елеулі бұзушылықтарды тіркеді

Қазақстан Республикасы Оқу-ағарту министрлігінің Білім саласында сапаны қамтамасыз ету комитеті жергілікті атқарушы органдар жағдайды шешуді қамтамасыз етпегендіктен, өз құқықтарын қалпына келтіру туралы талаптармен жүгінген педагогтердің құқықтарының елеулі бұзылуын анықтады.

Жергілікті атқарушы органдардың әрекетсіздігіне тап болған педагогтер Білім саласында сапаны қамтамасыз ету комитетіне жүгінді. Өз кезегінде Комитет педагогтердің құқықтарын қалпына келтіру бойынша тиісті жұмыстар жүргізді.

Мәселен, мұғалімнің қолында демалыс беру туралы директордың қолы қойылған өтініші бола тұра, Маңғыстау облысы Ақтау қаласының биология пәнінің мұғалімі жұмыс орнында болмаған деп жұмыстан босатылған.

Комитет осы мәселе бойынша Маңғыстау облысының білім басқармасы мен Ақтау қаласының білім бөлімі өкілдерінің, сондай-ақ педагог жұмыс істеген мектеп әкімшілігінің қатысуымен кеңес өткізді. Ақтау білім бөлімінің жанынан комиссия құрылды. Комиссияның шешімі бойынша жұмыстан босату туралы бұйрық күші жойылып, мұғалім бұрынғы қызметіне оралды.

Сонымен қатар, Түркістан облысының білім беру саласындағы мониторинг шеңберінде құрылған комиссия Қазығұрт ауданы мектептерінің бірінің орыс тілі мұғалімін қызметінен босату туралы өтінішін қарады. Мектеп әкімшілігінің педагогті жұмысқа қабылдамау туралы дәлелдері мен пайымдаулары негізсіз, ал педагог құқықтары бұзылған деген қорытындыға келді. Талқылау нәтижесінде мұғалімнің құқықтары қалпына келтірілді: мұғаліммен еңбек шарты жасалды.

Комитет болған жағдайлар туралы хабарлай отырып, білім беру ұйымдарының барлық басшыларын білім беру жүйесіндегі әділдік пен заңдылықты мүлтіксіз сақтауға және педагогтердің құқықтарын бұзуға жол бермеуге шақырады.

Бұл бағыттағы жұмыстар әлі де жалғасын табады.

• 17.11.2023
• 237