Саранға жасаған жұмыс сапарым туралы қысқаша ақпарат

Мұнда тұрғындармен кездесу өткізіп, бірқатар нысандарды араладым.

Тұрғындар орталық қазандықтың іске қосылуын күтуде. Қазір нысанда құрылыс-монтаждау жұмыстары аяқталып, жабдықтар орнатылуда. Сонымен қатар біз үйлерге жылу желілерін салудамыз. Үйлер мен әлеуметтік нысандарды бірнеше кезеңде қосатын боламыз. Тиісті іске қосу жұмыстары 2024 жылы жүргізіледі.

РТИ ауданында жеке инвестициялар есебінен 30 пәтерлі екі үй қалпына келтірілді. Пәтерлердің бір бөлігін кезекте тұрғандар үшін сатып аламыз. Үйлерді қажетті инфрақұрылыммен қамтамасыз етуді және аумақты абаттандыруды тапсырдым. 23 үйдің төртеуі қалпына келтірілді, қалғандары бойынша жұмыстар жалғасуда.

РТИ ауданында № 7 мектеп-интернаттың жанындағы ұзындығы 1,3 км жолдың қалай абаттандырылғанын тексердім. Бұған дейін жолдың жоқтығына жергілікті тұрғындар шағымданған болатын.

Бүгінгі кездесуге белсенді қатысқаны үшін қала тұрғындарына алғыс білдіргім келеді. Әріптестермен бірге 50-ге жуық адамды қабылдадық. Бірлескен жұмысымыз мәселелерді ойдағыдай шешуге ықпал ететініне сенімім мол.

• 24.11.2023
• 185