Белгіленген жиынтық қуаты 200 Мвт ГЭС жобаларын іріктеу бойынша аукциондық сауда саттық қорытындылары

2023 жылғы 24 қарашада жиынтық белгіленген қуаты 200 МВт гидро электр станцияларының жобаларын іріктеу бойынша ҚР БЭЖ Солтүстік және Оңтүстік аймақтары үшін ЖЭК бойынша аукциондық сауда саттық өтті.

Аукциондық сауда-саттыққа қатысуға 11 компания жіберілді, сауда сессиясын өткізу барысында қатысушылар 99 бағалық ұсыныс берілді. Аукциондық сауда-саттыққа қатысушылардан қуаттың мәлімделген жиынтық көлемі 269.51 МВт құрады.

ГЭС жобаларын іріктеу бойынша аукциондық сауда-саттықты өткізу кезіндегі шекті аукциондық баға 2023 жылы 41,23 тг/кВтсағ (ҚҚС-сыз) құрады. Өтінімдердің баға диапазоны 41.23-тен 34.8 тг/кВтсағ (ҚҚС-сыз) дейін төмендеді.

Аукциондық сауда-саттықты ұйымдастыру және өткізу қағидаларының 55-тармағының 1) тармақшасына сәйкес белгіленген қуатты іріктеу көлемі 200-ден 206.01 МВт-қа дейін ұлғайтылды.

Аукциондық сауда-саттық қорытындысы бойынша жеңімпаздар болып келесі компаниялар анықталды:

• «Жарық Су ЛТД» ЖШС жобаның белгіленген қуаты 33.1 МВт, аукциондық бағасы 34.8 тг/кВт*сағ (ҚҚС-сыз);
• «DALA SOLAR» ЖШС жобаның белгіленген қуаты 10.01 МВт, аукциондық бағасы 34.81 тг/кВт*сағ (ҚҚС-сыз);
• «МТ и К» ЖШС жобаның белгіленген қуаты 15 МВт, аукциондық бағасы 34.9 тг/кВт*сағ (ҚҚС-сыз);
• «Baskan Power» ЖШС жобаның белгіленген қуаты 14.9 МВт, аукциондық бағасы 35.01 тг / кВт*сағ (ҚҚС-сыз);
• «Бекзат» ЖШС жобаның белгіленген қуаты 12.8 МВт, аукциондық бағасы 35.3 тг / кВт*сағ (ҚҚС-сыз);
• «ЭнергоБилдСервис» ЖШС жобаның белгіленген қуаты 42 МВт, аукциондық бағасы 35.32 тг / кВт*сағ (ҚҚС-сыз);
• «Alt Energy» ЖШС жобаның белгіленген қуаты 10.2 МВт, аукциондық бағасы 35.33 тг / кВт*сағ (ҚҚС-сыз);
• «Тараз гринпауэр дженко» ЖШС жобаның белгіленген қуаты 18 МВт, аукциондық бағасы 35.8 тг / кВт*сағ (ҚҚС-сыз);
• «ТУРГУСУН-2» ЖШС жобаның белгіленген қуаты 50 МВт, аукциондық бағасы 38.99 тг / кВт*сағ (ҚҚС-сыз).

Аукциондарды ұйымдастыру және өткізу ережесіне сай талаптарын сақтау мақсатында бақылаушылар ретінде Қазақстан Республикасы Энергетика министрлігінің, «Атамекен» ҰКП, «Қазақстан электр энергетикалық қауымдастығы» ЗТБ, Азия Даму Банкінің және USAID өкілдері қатысты. Бақылаушылар аукционды ұйымдастырушы – «ЭҚРҚО» АҚ электрондық сауда жүйесі жұмысының толық ашықтығын атап өтеді.

ЖЭК бойынша аукциондық сауда-саттық жеңімпаздарының тізілімімен сауда-саттықты ұйымдастырушының ресми интернет-ресурсында танысуға болады: https://vie.korem.kz/rus/analitika/restr_pobed/ .

Аукциондық сауда-саттықты ұйымдастырушы – «Электр энергиясы мен қуаты нарығының қазақстандық операторы» АҚ.

• 24.11.2023
• 205