Ақтөбеде Ұлттық волейбол лигасының талаптарына сай келетін спорт залы ашылды

Бүгін Ақтөбеде Alikhan спорт залы ашылды. Салтанатты шараға облыс әкімінің орынбасары Ғалымжан Елеуов, облыстық дене шынықтыру және спорт басқармасының басшысы Евгений Гончаров және тағы да басқа қонақтар қатысты. 
 

«Спорт кешені – Ақтөбе қаласының спорттық инфрақұрылымын дамыту жөніндегі үлкен жұмыстың бір бөлігі. Жеке кәсіпкерлердің бұқаралық спортты дамытуға өз үлестерін қосып жатқаны қуантады. Жаңа спорт залында шағын футбол, волейбол, баскетбол ойнауға, жаттығуға мүмкіндік бар. Келесі жылы Ұлттық лигаға қатысатын ақтөбелік команда да осы жерде жаттығады», - деді облыстық дене шынықтыру және спорт басқармасының басшысы Евгений Гончаров. 

 
 Жаңа спорт залы волейбол, футзал және баскетбол ойындарын өткізуге арналған. Зал айтылған ойындардың ұлттық лигаларының стандарттарына сәйкес келеді және барлық деңгейдегі жарысты өткізуге мүмкіндік береді: биіктігі 13 метрге жуық, 300 адамға орын қарастырылған.
 
Жобаны «Ақ-Руно» ЖШС іске асырды. Компания мемлекеттік-жекеменшік әріптестік және балалар спортын жан басына қаржыландыру бағдарламасы аясында жұмыс істейді. «Ақтөбе» волейбол клубының Ұлттық волейбол лигасы аясындағы жарыстарына дайындық жүргізеді. 
 
 Компания басшылығымен Ақтөбе облысының ерлер командасы 2021 жылы Қазақстаннның волейбол бойынша жоғарғы лигасының жеңімпазы атанып, Ұлттық лигаға өтті. Команда құрамында тек жергілікті ойыншылар ойнайды.

• 27.11.2023
• 146