Ақмола облысында сыбайлас жемқорлыққа қарсы іс-қимыл мәселелері бойынша қорытынды кеңейтілген кеңес өтті

Облыс орталығында Ақмола облысының әкімі Ермек Маржықпаевтың төрағалығымен өңірдің Сыбайлас жемқорлыққа қарсы қызметімен 2020 жылдың қорытындысы бойынша сыбайлас жемқорлыққа қарсы іс-қимыл мәселелері бойынша кеңейтілген кеңес өтті, оған өңірдің мемлекеттік органдарының басшылары, қалалар мен аудандардың әкімдері қатысты.

Сөз сөйлеу барысында өңірлік сыбайлас жемқорлыққа қарсы ведомство басшысы Мұрат Төлеубаев мемлекеттік органдармен және жұртшылықпен бірлесіп өңірде сыбайлас жемқорлыққа қарсы іс-қимыл саласында жүргізілген қызмет туралы хабарлады.

Сонымен қатар, спикер «Халық үніне құлақ асатын мемлекет» тұжырымдамасын іске асыру аясында ауылдық елді мекендерде «Сервистік әкімдіктерді» және мемлекеттік мекемелерде Оpen Space форматындағы кабинеттер мен фронт-офистерді ашу, сыбайлас жемқорлық тәуекелдеріне ішкі талдауларды сапалы жүргізу және жұртшылықты тарта отырып, олардың нәтижелерін қарау жөніндегі жұмысты жалғастыру қажеттігін атап өтті.

Сондай-ақ, өңірде сыбайлас жемқорлық қылмысының 10% - дан астамға төмендегені атап өтілді, бұл сыбайлас жемқорлыққа қарсы іс-қимыл және сыбайлас жемқорлыққа қарсы мәдениетті қалыптастыру бойынша алдын алу шараларының тиімділігін куәландырады.

Сыбайлас жемқорлыққа қарсы новеллаларға, оның ішінде, Мемлекет басшысы қол қойған қылмыстық процесте және сыбайлас жемқорлыққа қарсы іс-қимылда азаматтардың құқықтарын қорғауды күшейту мәселелері жөніндегі Заңда қамтылған маңызды заңнамалық өзгерістерге ерекше назар аударылды.

Сондай-ақ, кеңесте Transparency Kazakhstan тәуелсіз ұйымы өткізген 2020 жылдың қорытындысы бойынша Қазақстандағы сыбайлас жемқорлықтың жағдайы туралы мониторинг нәтижелері айтылды.

«Ақмола – адалдық алаңы» жобалық кеңсесі жұмысының нәтижелері мен перспективалары туралы облыс әкімінің орынбасары, Жобалық кеңсенің кураторы Қанат Ыдырысов, сондай-ақ жергілікті атқарушы органдардың басшылары талқылау барысында қойылған сұрақтарға жауап берді.

Ақпаратты тыңдаған өңір басшысы Ермек Маржықпаев ведомствоға қарасты мекемелердің басшылығына сыбайлас жемқорлықтың себептері мен жағдайларын жою, халық арасында сыбайлас жемқорлыққа қарсы мәдениетті қалыптастыру бойынша жұмысты жандандыруды, сондай-ақ белсенді жұртшылық өкілдері қатарынан аудандық деңгейде "Адалдық алаңы" жобалық кеңселерінің басшыларын тағайындауды қамтамасыз етуді тапсырды.

«Сыбайлас жемқорлыққа қарсы күресті күшейту бойынша шаралар қабылдау шеңберінде, ең алдымен, кешенді және үйлестірілген тәсілді ұстану қажет. Өткен жылы қол жеткізілген нәтижелер, жалпы алғанда, жақсы, алайда алда үлкен жұмыс тұр, тек бірлескен күш - жігерімізбен ғанабБіз сыбайлас жемқорлыққа қарсы тұра аламыз», - деп түйіндеді өңір басшысы.

Кеңес соңында сыбайлас жемқорлыққа қарсы іс – қимылға қосқан елеулі үлесі үшін облыс әкімі Ермек Маржықпаев ҚР Сыбайлас жемқорлыққа қарсы іс-қимыл агенттігінің Төрағасы Алик Шпекбаевтың Құрмет грамотасымен, сондай-ақ «Ақмола-адалдық алаңы» жобалық кеңсесінің кураторы Қанат Ыдырысовқа алғыс хат табыс етілді. Сонымен қатар, Степногорск қаласы мен Шортанды ауданы әкімдіктерінің жұмысы оң бағаланды.

• 23.01.2021
• 257