Маңғыстауда қобызшы Әлқуат Қазақбаевтың шығармашылық кеші өтті

М. Өскінбаев атындағы облыстық филармонияда Мәдениет саласының көрнекті өкілі, қобызшы, аспапшы-әртіс және оқытушы Әлқуат Қазақбаевтың шығармашылық кеші өтті, деп хабарлайды Маңғыстау облысы әкімінің баспасөз қызметі.

Әлқуат Қазақбаев-Құрманғазы атындағы Мемлекеттік академиялық халық аспаптар оркестрінің әртісі, Л.Н.Гумилев атындағы Еуразия ұлттық университетінің қобызшылар квартетінің және Астана мемлекеттік филармониясының «Тілеп» қобызшылар квартетінің көркемдік жетекшісі.

Оның «Жаппас-қобыз-домбыра», «Әбдіманап абыз», «Абылай хан жорығы», «Ықылас ата», «Жерұйық» ,«Құрманғазы төкпе» және басқа да көптеген шығармалары бар. Зерттеушілер күйшінің шығармашылығында оның қоғамның адамгершілік бағдарлары мен құндылықтары туралы азаматтық ұстанымы ашылады деп мәлімдейді.

Қобызшы Әлқуат Қазақбаев шығармашылық кеш барысында жоспарларымен бөлісті, сондай-ақ Қорқыт ата шығармаларын насихаттау және өнер саласын дамыту қажеттігін атап өтті.

Өңір басшысы Маңғыстауда Мәдени мұра мен өнерге ерекше мән берілгенін атап өтті.

«Өнер-әр халықтың баға жетпес мұрасы. Музыкадағы әрбір нота, әуендегі әрбір фраза-жанның бөлшегі, уақыт пен мәдениеттің көрінісі. Қорқыт түркі әлемінің ғана емес, адамзаттың тарихының ұлы символына айналды. Оның музыкалық мұрасы, қобызға арналған күйлері жай ғана композициялар емес, бұл біздің тарихымыздың тірі беттері, дәуір мен оның жан дүниесінің көрінісі. Симфониялық оркестр ұжымына осы үйлесімділікті сақтауға және жалғастыруға қосқан үлесі үшін алғыс айтамын. Көрнекті музыкант және композитор Әлқуат Қазақбаевқа біздің музыкалық мәдениетімізді шет елде де танытуға қосқан үлесі үшін шын жүректен алғысымды білдіремін. Біздің басты міндетіміз-өткеннің мұрасын сақтап қана қоймай, оны болашақ ұрпаққа саф күйінде жеткізу», - деп атап өтті Нұрлан Ноғаев.

• 30.11.2023
• 173