Қазақстан халқы Ассамблеясының Этножурналистика саласындағы «Шаңырақ» республикалық шығармашылық байқауының жеңімпаздарын марапаттау рәсімі өтті

2023 жылғы 30 қарашада Астана қ. Достық үйінде Қазақстан Республикасы Мәдениет және ақпарат министрлігінің ұйымдастыруымен Қазақстан халқы Ассамблеясының Этножурналистика саласындағы «Шаңырақ» республикалық шығармашылық байқауының жеңімпаздарын марапаттау рәсімі өтті.

Байқау журналистердің, блогерлердің, сарапшылардың және жекелеген авторлардың келісім мен бірлікті нығайтуға, сонымен қатар қазақстандық этножурналистиканы дамытуға қосқан үлестерін таныту және ынталандыру мақсатында өткізілді.

Байқауға барлығы 60-тан астам мақалалар мен жобалар келіп түсті.

Байқау жүлдегерлері:

Бас жүлде – А. Имамбаева және Е. Тыщенко – «Вечерняя Астана» республикалық қоғамдық-саяси газеті (Астана қ.);

I орын – А. Жақыпов – «Life09» ақпараттық агенттігі (Қарағанды қ.),

Г. Аметбакиева – «Қазақ радиолары» ЖШС (Алматы қ.),

Г. Жолжанова – «Egemen Qazaqstan» республикалық газеті (Астана қ.);

II орын – А.Ли – «Прикаспийская коммуна» облыстық қоғамдық-саяси газеті (Атырау облысы),

Е. Қожасов – «Сыр бойы» облыстық газеті (Қызылорда облысы),

А. Боранбаев – «Жанубий Қозоғистон» қоғамдық-саяси газеті (Түркістан облысы);

III орын – Ә. Абзал – Қызылорда облыстық «Қоғамдық келісім» КММ (Қызылорда облысы),

В. Корнева – Қазақстан халқы Ассамблеясы Журналистер клубы (Солтүстік Қазақстан облысы),

А. Сейсенбаева – «Рavlodarnews» ақпараттық порталы (Павлодар облысы);

Ынталандыру сыйлықтары – З. Набиева– «Наш Костанай» облыстық газеті (Қостанай облысы),

А. Габсаттарова-Эм – «Огни Алатау» қоғамдық-саяси газеті (Алматы облысы),

И. Біржансал – «Қазақ» газетінің тілшісі (Алматы қ.),

А. Гановичева – «MediaPRO.KZ» интернет порталы (Шығыс Қазақстан облысы),

Ә. Фазыл – Tengrinews.kz ақпараттық порталы (Астана қ.).

Қазақстан халқы Ассамблеясы Төрағасының орынбасары – ҚР Президенті Әкімшілігінің ҚХА Хатшылығының меңгерушісі М. Әзілханов өзінің құттықтау сөзінде мемлекет пен азаматтық институттардың этносаралық қатынастар саласындағы ақпараттық жұмысқа айрықша назар аударып отырғанын атап өтті. Сонымен қатар журналистерге мемлекеттің қоғамдық келісім мен жалпыұлттық бірлікті нығайтудағы саясатын қолдауға қосқан үлестері үшін алғысын жеткізді және журналистер тарапынан қоғамдық келісімді дамыту, арандатушылық ақпараттардан сақтану, халық бірлігін сақтау тақырыптары жиі көтерілу қажеттігіне тоқталды.

ҚР мәдениет және ақпарат министрлігі Этносаралық қатынастарды дамыту комитетінің төрағасы Ғ. Шойкин жеңімпаздарды құттықтай отырып, мемлекеттің табысты дамуы, еліміздегі барлық көлемді өзгерістер бейбіт даму мен азаматтардың ынтымағының арқасында ғана мүмкін болатынына назар аударды. «Байқаудың қатысушылары мен жүлдегерлері өздерінің материалдары мен жобалары арқылы мемлекетіміздің тұрақты дамуының негізгі факторлары және басты идеологиялық постулаттары болып табылатын ел бірлігі, татулық пен өзара құрметті дәріптеуге үлкен үлес қосып жүр», -деп атап көрсетті.

Марапаттау рәсімінде лауреаттарды құттықтап, игі тілектер айтылды.

Жеңімпаздарды құттықтаймыз!

• 01.12.2023
• 191