ЕҢБЕК ЖӘНЕ ӘЛЕУМЕТТІК ҚОРҒАУ МӘСЕЛЕЛЕРІ МИНИСТРДІҢ АССАМБЛЕЯ ӨКІЛДЕРІМЕН КЕЗДЕСУІНДЕ ТАЛҚЫЛАНДЫ

2023 жылғы 30 қарашада Астана қаласының Достық үйінде Қазақстан халқы Ассамблеясы активінің ҚР Еңбек және халықты әлеуметтік қорғау министрі Светлана Қабыкенқызы Жақыповамен кездесуі өтті.

Кездесу Мемлекет басшысы Қасым-Жомарт Кемелұлы Тоқаевтың «Әділ Қазақстан: бірлік, тұрақтылық, даму» атты Қазақстан халқы Ассамблеясының ХХХІІ сессиясында Ассамблеяның мемлекеттік органдармен өзара іс-қимылын күшейту туралы тапсырмасының орындалуын қамтамасыз ету мақсатында ұйымдастырылды.

Кездесуге Қазақстан халқы Ассамблеясы Төрағасының орынбасары – ҚР Президентінің Әкімшілігі ҚХА Хатшылығының меңгерушісі Марат Әзілханов, ҚР Парламенті Сенатының депутаттары, ҚР Еңбек және халықты әлеуметтік қорғау министрлігі мен ҚР Мәдениет және ақпарат министрлігі Этносаралық қатынастарды дамыту комитетінің өкілдері, сондай-ақ Қазақстан халқы Ассамблеясының мүшелері мен еліміздің барлық өңірлерінен ҚХА қоғамдық құрылымдары (Ақсақалдар, Аналар, Медиация кеңестері, этномәдени бірлестіктер және т.б.) қатысты.

Іс-шарада ел дамуындағы еңбек және халықты әлеуметтік қорғау жүйесінің рөлі, қазақстандықтардың әл-ауқатын арттыру арқылы азаматтық бірегейлікті нығайту, сондай-ақ Министрлік қызметінің осы бағыттағы қызметі талқыланды.

Қазақстан халқы Ассамблеясының мүшелері өздерін қызықтырған сұрақтарға жауап алды.

Қатысушылар Ассамблея активі мен мемлекеттік органдар өкілдерінің осындай бірлескен кездесулерін тұрақты түрде өткізіп тұрудың маңызы мен қоғамға қажеттілігін атап өтті.

• 01.12.2023
• 242