Білім саласында сапаны қамтамасыз ету комитетінің Ақмола облысына жұмыс сапары туралы

Білім саласында сапаны қамтамасыз ету комитеті төрағасының орынбасары М.Т.Мелдебекова Оқу-ағарту министрі Ғ.Бейсембаевтың тапсырмасымен азаматтардың өтініштеріне жедел әрекет ету мақсатында арнайы жұмыс топпен Аумақтық департамент басшысы О.Қ.Қаппасов, білім басқармасының басшысы Ш.Ж.Оразалин, Целиноград ауданы білім бөлімінің басшысымен бірге Ақмола облысының Қоянды ауылындағы №1 және №2 орта мектептеріне барды.

Жұмыс тобы шағым түсірген азаматтарды қабылдап, олардың өтініштерін тыңдады.

Барлық көтерілген мәселелер бақылауға алынып, Департамент басшысына және жергілікті атқарушы органдарға тиісті тапсырмалар берілді.

Жұмыс тобы іссапар барысында мектептердегі тамақтанудың жай-күйімен, оқу-тәрбие процесінің ұйымдастырылуымен, мектеп директорларының басқару қызметімен танысып, ұстаздар қауымының өкілдерімен кездесті.

Шара соңында жұмыс тобы білім  сапасын арттыруға бағытталған кешенді ұсыныстарды орындау тапсырылды.

Бұл бағыттағы жұмыс жалғасуда.

• 01.12.2023
• 236