ҚР ҰЭМ ТМРК кезекті қоғамдық қабылдаулар өткізді

Бүгінде еліміздің барлық өңірлерінде, оның ішінде орталық деңгейде де ТКШ қызметтерінің тұтынушылары үшін кезекті қоғамдық қабылдаулар өткізілді.

Қоғамдық қабылдаулар нақты уақыт режимінде ТМРК мен оның аумақтық бөлімшелерінің Facebook-тегі ресми парақшаларында трансляцияланды.

ТМРК өткізген қоғамдық қабылдау ведомство төрағасының орынбасары Тимур Қосымбаевтың төрағалығымен, сондай-ақ салалық басқармалары басшыларының қатысуымен өтті.

Қабылдау барысында мұнай мен газды тасымалдауды реттеу саласындағы басқарма басшысы Жамбыл және Шығыс Қазақстан облыстарының тұтынушылары үшін тауарлық газдың бөлшек бағасының ағымдағы жылдың 1 қарашасынан бастап төмендеу жағына қарай өзгергені туралы хабарлады.

Бұдан әрі сумен жабдықтау және су бұру саласындағы реттеу басқармасының басшысы 2022 жылғы ТМС-ның есептерін қарау қорытындылары бойынша енгізілген УӨТ бойынша ақпаратпен бөлісті, атап айтқанда, сумен жабдықтау саласында 1,2 млрд.теңге сомасына, су бұру саласында 892 млн. теңге сомасында өтемдік тарифтер енгізілді.

Жылу энергетикасы саласындағы реттеу басқармасының басшысы өз кезегінде тұтынушыларға жылу маусымы кезінде жылу энергиясын үнемдеу тәсілдерін еске салды.

Соңында электр энергетикасы саласындағы реттеу басқармасының маманы электр желілерін жаңғыртуға (күрделі жөндеуге және реконструкциялауға) қандай ақшалай қаражат бөлінгені туралы хабарлады.

• 04.12.2023
• 198