Ақтауда публицист және ақын Өтеген Оралбайұлы кітабының бірінші томының тұсау кесері өтті

Достық үйінде өңір басшысы Нұрлан Ноғаевтың қатысуымен шығармашылық кеш өтті, шара аясында Өтеген Оралбайұлының 55 жыл көлемінде жазған таңдамалы он томдық шығармаларының бірінші томының тұсауы кесілді, деп хабарлайды Маңғыстау облысы әкімдігінің баспасөз қызметі.

Ақтауда белгілі ақын, әдебиеттанушы, публицист, Мемлекеттік сыйлықтың лауреаты, Қазақстанның еңбек сіңірген қайраткері Өтеген Оралбайұлының шығармашылық кеші өтті.

Өтеген Оралбайұлы-Ақтау, Атырау және Түркістан қалаларына арналған, қысқы жетінші Азия ойындары мен гимндерінің, сондай-ақ отыздан астам ән мәтіндерінің авторы. Оның шығармашылығы тек поэзиямен ғана шектелмейді, ол сонымен қатар бес жүзден астам мақала жазған публицист және әлемнің қырықтан астам туындысын қазақ тіліне аударған поэзия аудармашысы.

Шығармашылық кеште филология докторлары, әдебиеттанушылар, өнертанушылар, қала тұрғындары мен қонақтары, сондай-ақ Өтеген Оралбайұлының отбасы жиналды.

Өңір басшысы Нұрлан Ноғаев жазушыны құттықтап, Өтеген Оралбайұлының қазақ әдебиетін дамытудағы еңбегін ерекше атап өтті.

«Біз әрқашан ақындарымызды құрметтейміз. Поэзия-бұл жүректен шыққан сөздер, ол халықтың рухын көтереді, күшін арттырады және адамдарды бір-біріне жақындастырады. Сіздің ұлттық әдебиетке қосқан үлесіңіз баға жетпес. Бүгін біз маңызды оқиғаның куәсі болдық - сіздің кітабыңыздың бірінші томы жарық көрді. Бұл жинақта сіз бірнеше ондаған жылдар бойы жазған шығармалар бар. Кітап жастарға өмір философиясы туралы байыпты ойлауға мүмкіндік беретін құрал болатынына сенімдімін. Бұл тек шығармашылық жұмыс емес, бұл ғылыми трилогия. Сіздің шығармаларыңыз өз тарихи тамырын құрметтейтін және ата-бабамыздың бай мұрасын сақтап қалғысы келетін жандардың барлығы міндетті түрде оқуы тиіс кітап», - деді өңір басшысы Нұрлан Ноғаев.

• 08.12.2023
• 249