Маңғыстауда облыстық мәслихаттың VII кезекті сессиясы өтті

Сегізінші шақырылған облыстық мәслихаттың VII сессиясының күн тәртібінде Маңғыстау облысының 2024-2026 жылдарға арналған бюджетінің жобасы қаралды, деп хабарлайды Маңғыстау облысы әкімдігінің баспасөз қызметі.

Сессия барысында облыс әкімі Нұрлан Ноғаев, облыстық мәслихат төрағасы Жаңбырбай Матаев, облыстық басқармалардың басшылары, қалалар мен аудандардың әкімдері, сондай-ақ мәслихат төрағалары қатысты.

Отырыста экономика және бюджеттік жоспарлау басқармасының басшысы Марина Альбекова 2024 жылы облыстың жергілікті бюджет жобасы 353 млрд теңгені құрағанын баяндады.

Ол ағымдағы бюджеттің жалпы сомасынан 195 млрд. теңгенің едәуір бөлігі білім беруге бағытталғанын атап өтті. Бұл қаражатқа мемлекет басшысының тапсырмасына сәйкес балабақша мұғалімдерінің еңбекақысын 30% - ға арттыруға және колледж студенттеріне стипендияны арттыруға жұмсалатын шығындар кіреді.

Бұдан басқа, денсаулық сақтауға 10,7 млрд.теңге жоспарланған, оған өңірдегі медициналық кадрлар тапшылығы мәселелерін шешуге арналған қаражат кіреді. Бұл қаражат ауылдық жерлерге жұмысқа орналасу үшін кемінде 5 жыл мерзімге 20 медицина қызметкерін тұрғын үймен қамтамасыз етуге біржолғы әлеуметтік төлемдер ретінде қарастырылған.

Сонымен қатар, облыс бюджетінде келесі жылға әлеуметтік қамсыздандыруға, спорт пен мәдениетті дамытуға, экономиканың нақты секторын қолдауға, сондай-ақ көлік пен автомобиль жолдарын дамытуға қаражат жоспарланған.

Бюджет жобасының маңызды бағыттарының бірі облыстың мемлекеттік ұйымдарының көмекші және техникалық жұмысшы қызметкерлерінің (үй-жайларды тазалаушылар, жүргізушілер, диспетчер, сантехник, слесарь және т.б.) жалақысын ұлғайту болып табылады. Осы санаттағы 14 мыңнан астам қызметкер 2024 жылғы 1 қаңтардан бастап 25% мөлшерінде жалақыға үстемеақы алатын болады.

2024 жылға арналған өңірдің даму бюджетінің көлемі 104 млрд. теңгені құрады, оның ішінде республикалық бюджеттен нысаналы даму трансферттері 86 млрд.теңгені құрады, бұл 2023 жылғы бекітілген бюджеттен 40 млрд. теңгеге артық.

Сессияда Нұрлан Ноғаев өңірдің әлеуметтік-экономикалық дамуын жақсарту үшін түпкілікті нәтижелерге қол жеткізе отырып, жергілікті бюджеттен бөлінетін қаражаттың сапалы пайдаланылуын қамтамасыз етуді тапсырды.

«Өңірлік бюджет облыстың маңызды стратегиялық құжаты болып табылады. Біз бөлінген қаражат пен тартылатын инвестициялар халықтың әлеуметтік игіліктерін жақсартуға және инженерлік желілерді жаңғырту және сумен жабдықтау жүйесін жақсарту сияқты өңірдің инфрақұрылымын дамытуға бағытталуын қамтамасыз ету үшін белсенді жұмыс істеп жатырмыз. Біздің алдымызда стратегиялық құжаттарымызда көзделген өңір экономикасының түрлі салаларында нақты нәтижелерге қол жеткізу бойынша маңызды міндеттер тұр», - деді облыс әкімі Нұрлан Ноғаев.

• 08.12.2023
• 174