ҚҰРМЕТТІ ЖЕРЛЕСТЕР!!!

Біздің облыс еліміздің өнеркәсібі дамыған аймақтарының біріне жатады.

Облыс аумағында бір мың жеті кәсіпорын бар.

Мұнда қорғасын мен мырыш шығаратын - Казцинк; уран, бериллий, тантал және ниобий шығаратын - Үлбі металлургия зауыты сияқты республикадағы ең ірі өндіруші кәсіпорындар жұмыс істейді. Өскемен титан магний комбинатының өнімдері әлемдік аэроғарыш кәсіпорындарының сертификатын алған.

Өнеркәсіп облыстың жалпы өңірлік өнімінің отыз бес процентін (35%) құрайды, өндірісте экономикалық белсенді халықтың шамамен жиырма проценті (20%) қамтылған.

Бұдан бөлек, республикадағы өнеркәсіп өнімінің бес проценті (5%) Шығыс Қазақстанда өндіріледі.

Келтірілген статистика аймақтағы өнеркәсіп өндірісінің дамуы мен әлеуметтік-экономикалық жағдайының тығыз байланысын көрсетіп отыр.

Сонымен қатар, біз кәсіпорындардың қоршаған ортаны, ауаны ластап, оның тұрғындарға, әсіресе Өскемен, Риддер, Алтай қалаларының, Глубокое және Октябрь кенттері тұрғындарының денсаулығына зиянды әсерін тигізіп отырғанын жақсы түсінеміз.

Экологиялық кодекстің талаптарын орындау мақсатында, қоршаған ортаға зияны үшін бюджетке төленетін төлемақы толығымен (100%) экологиялық жағдайды жақсарту шараларына бағытталады.

Екі мың жиырма үш-жиырма бесінші (2023-2025) жылдары барлығы он да, төрт (10,4) млрд. теңге қаржы салынады. Іс жүзінде, биыл ғана экологиялық жағдайды жақсартуға және көгалдандыруға бес те, тоғыз (5,9) млрд.теңге жұмсадық (канализация, ҚТҚ, санитария, көгалдандыру, орталық жылытуға көшіру және т. б.).

Үкіметтік емес ұйымдармен бірлесіп, Өскемен қаласында екі мың жиырма төрт-жиырма алтыншы (2024-2026) жылдарға арналған экологиялық жағдайды жақсартудың жол картасы әзірленуде.

Жалпы саны төрт жүз жетпіс алты (476) мың ағаш отырғызуды көздейтін Елді мекендерді көгалдандырудың бес жылдық жоспары іске асырылуда.

Үш жылда үш жүз жетпіс бес (375) мың көшет отырғызылды (оның ішінде Өскемен қаласында-41 мың дана).

Қатты-тұрмыстық қалдықтарды басқару саласында қалдықтарды жинап, әкету жүйесін біртіндеп жетілдіру қолға алынған.

Жалпы, өңірде жүз алпыс бес (165) полигон бар, оның тек жиырма екісі (22) (13,3%) экологиялық талаптарға сай келеді.

Облыс орталығында барлық экологиялық және санитарлық талаптарға сай келетін жаңа полигон салу мәселесі өзекті болып отыр.

Ескі полигонды қалпына келтіру үшін келесі жылы дайындық жұмыстары басталады.

• 12.12.2023
• 207